Home Gobierno Diadomingo anochi Premier Wever-Croes a pidi tur hende no bay den panico

Diadomingo anochi Premier Wever-Croes a pidi tur hende no bay den panico

803
0
SHARE
- Advertisement -

Relaciona cu crisis na Venezuela…

ORANJESTAD (AAN): Diadomingo atardi, Prome Minister Evelyn Wever-Croes a emiti un boletin dirigi na pueblo di Aruba, relaciona cu e situacion na Venezuela.  E ta pidi tur hende pa uni den oracion pa e pais bisiña.

Segun Wever-Croes, despues di tur locual ta bayendo rond tocante Venezuela, cu ta treciendo panico, el a haya importante pa den nomber di Gobierno di Aruba ta informa tocante e situacion na Venezuela.

“Nos pais bisiña, Venezuela ta pasando momentonan transcedental. Mi ta sinti tambe un preocupacion den comunidad. Y no ta sin motibo si nos mira tur e mensahenan cu ta worde pasa rond. Pa loke ta trata Aruba, mi por sigura cu e noticianan no ta corecto.”

“Aruba no ta forma parti di ningun accion militar, ni Aruba ni Reino a ricibi un peticion asina. Na e momentonan aki no tin otro militar na Aruba.”

Aki na Aruba, Gobierno y tur e autoridadnan concerni ta sigui e situacion na Venezuela di cerca, pa asina nos ta prepara pa cualkier eventualidad pa proteha nos pais.

Den seno di gobierno nos ta reuni cu autoridadnan local riba e topico aki tur dia, ami algun biaha pa dia.

Diaranson Gobierno lo ta den Parlamento hunto cu autoridadnan local concerni, pa duna mas informacion.

Hunto cu Marina Real, autoridadnan local tanto riba lama como na tera y den coordinacion cu Corsou, Reino henter ta prepara pa atende cu e tema di Venezuela debidamente y asina cu tin informacion mas concreto, nos lo comparti esaki cu pueblo.

Aparte di esey loke nos cada un por haci, ta uni den oracion pa Venezuela. Ohala por bin un resolucion pronto”.

Prome Minister Evelyn Wever-Croes ta haci un suplica na tur hende na Aruba pa keda trankil, pa nos no recuri den panico. Pa asina den trankilidad tuma e decisionnan den interes di nos pais Aruba.

- Advertisement -

DUNA COMENTARIO

Please enter your comment!
Please enter your name here