Home General Diaranson awor tin presentacion di dr. Joyce Pereira na Biblioteca Nacional Aruba

Diaranson awor tin presentacion di dr. Joyce Pereira na Biblioteca Nacional Aruba

44
0
SHARE
- Advertisement -

ORANJESTAD (AAN):  Diaranson 13 di februari dr. Joyce Pereira ta presenta pa e publico Arubano su disertacion  ‘Valorization of Papiamento in Aruban society and education, in historical, contemporary and future perspectives’.

Na november ultimo Joyce Pereira a defende su tesis na University of Curaçao dilanti e comision di promocion pa obtene su titulo di doctorado. E tabata un evento historico ya cu ta e prome disertacion cu ta enfoca riba Papiamento na Aruba.

Diaranson awor tin e oportunidad pa asisti na presentacion di e disertacion na Biblioteca Nacional Aruba, den edificio central na George Madurostraat. Dr. Joyce Pereira ta elabora tocante diferente tema di su investigacion cu a resulta den su tesis di doctorado. Su presentacion ta na Papiamento. Tambe dr. Liesbeth Echteld di Facultad General di University of Curaçao y profesor Ronnie Severing, un di e promotornan pa e doctorado, ta hiba palabra.

E programa ta di 7:30 pm pa 9:30 pm. Despues di e presentacion tin oportunidad pa cumpra e buki. Biblioteca Nacional Aruba ta extende un invitacion na un y tur pa ta presente e anochi aki pa nos rindi honor y balor na un luchador incansabel pa nos idioma Papiamento, dr. Joyce Pereira.

- Advertisement -

DUNA COMENTARIO

Please enter your comment!
Please enter your name here