Home Gobierno Diasabra tabata tin dialogo tripartite entre Sindicatonan y Gobierno

Diasabra tabata tin dialogo tripartite entre Sindicatonan y Gobierno

25
0
SHARE
- Advertisement -

ORANJESTAD (AAN): Diasabra a tuma luga un reunion yama pa e sindicatonan cu ta forma parti di e comision tecnico, dialogo Tripartite.

Tin un comision traha door di gobierno, pa structura y legisla con e dialogo lo bay funciona. Door di esey, e comision a sinta y traha tanto tempo. Tin un draft caba ariba mesa con esaki mester tuma luga. Pero ta keda pa discuti con e representacion lo mester ta. Den representacion di sindicatonan, nan mester sinta hunto pa asina niun voz di niun sindicato ta keda afo.

E modelo cu ta wordo uza ta esun di ILO. Esey ta haci cu ta bay tin un structura, cu ta haci cu e sindicato maske cu e ta chikito, e ta participa na e dialogo. Esaki a wordo discuti diasabra. Presente tabata STA y SIMAR. Tur hunto lo trata e representacion sindical. Tin varios punto cu mester wordo discuti.

Un di e posturanan cu a bin for di mayoria sindicato ta e postura di gobierno pa cu sindicatonan. Tambe por mira varios dunado di trabao cu’n actitud antisindical hopi fuerte. Y esaki lastimamente ta conta pa gobierno tambe. Y door di esey, sindicatonan a manda un carta pa gobierno y nan no ta coresponde manera mester ta. Y sindicatonan ta  bisa pa participa den un dialogo asina, no ta bale la pena.

Sindicatonan ta spera cu na momento cu tin un asunto pa atende, no ta importa cua ministerio, pa e problema no bira mas grandi. Sindicatonan a wordo informa cu manera e Minister di Labor ta bek na Aruba, nan lo sinta hunto cu Prome Minister pa atende ariba e malcontento di e sindicatonan.

Pero diasabra a atende e prioridadnan, e postura, e actitud di cada uno. Pa bay den un dialogo, mester tin un actitud cu ta yuda pa tin un resultado di dialogo, pa soluciona e problema. E ta conta pa gobierno, gremio sindical y comercial, segun lider di sindicato FTA, Sr. Hubert Dirkz.

 

- Advertisement -

DUNA COMENTARIO

Please enter your comment!
Please enter your name here