Home Impuesto DIMP ta enfatiza cu 28 di Februari definitivamente ta e ultimo dia...

DIMP ta enfatiza cu 28 di Februari definitivamente ta e ultimo dia pa paga plachi number 2019

53
0
SHARE
- Advertisement -

Meverly Romano Vocero di DIMP: “esaki ta e unico prolongacion”

ORANJESTAD (AAN): Departamento di impuesto (DIMP) a anuncia diahuebs mainta cu a keda dicidi cu lo prolonga e dianan pa por haci pago di impuesto di vehiculo di motor.

Vocero di DIMP, Meverly Romano a indica cu ley a cambia na 2017. Entrante aña 2017 tabata tin cambio di ley y e fecha final pa paga e prome mitad di aña a bira 31 di Januari. Pa ley, ayera tabata e ultimo dia pa por a haci pago di impuesto pa vehiculo di motor.

Relaciona cu esaki a tene contacto cu Minister di Finanza, Xiomara Ruiz Maduro y a delibera cune. Mirando cu e ricibi e plachinan di number laat pa locual a cuminza otorga e plachinan 3 siman pasa.

Hunto cu minister a dicidi cu ta prolonga e termino di pago cu un luna mas y e fecha final awor ta bira diahuebs 28 di februari 2019, Romano a indica.

Esaki ta nifica cu e clientenan cu ainda falta pa paga e impuesto aki tin un par di siman mas pa por cumpli cu nan obligacion. Esaki ta bay bira e unico prolongacion.

DIMP hunto cu Gobierno di Aruba ta spera cu por cumpli cu e contribuyentenan y duna nan mas espacio pa por cumpli cu e pago di impuesto di vehiculo di motor di aña 2019.

 

 

- Advertisement -

DUNA COMENTARIO

Please enter your comment!
Please enter your name here