Pero que hubo di e placa di retribucion?
ORANJESTAD (AAN): DIARIO ta hayando e reaccion di basta ciudadano cu den e dianan aki ta hayando varios carta di “naheffingsaanslag” unda nan ta wordo avisa cu nan tin cu paga boet pasobra nan a haci un pago laat of pasobra DIMP no a haya e informacion na tempo.
Ta cartanan tras di otro ta wordo entrega na e contribuyentenan cu pa un motibo of otro a cay atras cu nan pago y tin biaha pa descuido, otro biaha pa via cu nan accountant a entrega nan declaracion prome cu e vervaldatum.
Wel, pero awor cu a bin cu e medida aki DIMP y gobierno a tene cuenta cu tur e retraso cu nan tin pa loke ta e pago di retribucion cu tin pending di aña 2014 te cu awor?
Aha! si DIMP lo tabata actualiza cu e pagonan di retribucion e ora ningun hende lo tribi di haci un reclamo mas tocante boet, etc.
Pero lamentablemente, e porta semper ta hancho pa Gobierno y small pa pueblo. Djis dos dia ta pasa y ata!… boet di biaha.
E ora, gobierno tambe lo mester haya boet di pueblo pa e incumplimento pa cu pago di retributie?
