Home Gobierno DIP ta cuminza kita terenonan erfpacht for di registro pa nan bin...

DIP ta cuminza kita terenonan erfpacht for di registro pa nan bin bek na Pais Aruba

177
0
SHARE
- Advertisement -

Minister Otmar Oduber:

ORANJESTAD (AAN) – Siguiendo cu e tema di terenonan erfpacht cu a keda para pa tempo largo, sin cu e personanan na ken a wordo otorga a cumpli cu e condicionnan stipula den e Acta,  Minister Otmar Oduber a splica cu e personanan aki a haya un periodo di 30 dia pa nan cuminza construi, pero mirando cu nan ta en pugna cu e condicionnan cu tin den nan Actanan, gobierno ta cuminza cu e proceso di kita e terenonan aki for di registro, na Oficina di Hipoteca, unda e parcelanan aki ta bin bek pa Pais Aruba.

Minister Oduber a agrega cu tabata tin un Caso den Corte, unda cu Huez no a bay di acuerdo cu e peticion cu e persona a haci pa gobierno trek in e carta. E  Magistrado a bisa cu pa loke ta trata e tereno aki e kier pa den un bodemprocedure determina e pasonan cu ta sigui.

E dignatario ta contento cu Huez den e prome veredicto aki, ya caba a duna gobierno razon cu si un persona no ta cumpli cu e condicionnan di otorgamento di erfpacht y no a construi den e lapso cu a haya pa haci esaki, gobierno tin e derecho di tuma over e propiedad aki.

E mandatario a reitera cu na Februari aki, un aña transitorio a termina, y mas y mas lo mira cu DIP cu ta eherce e parti aki, lo manda carta na tur esnan cu tin tereno residencial of comercial, cu no ta cumpliendo cu e condicionnan den nan contrato.

E mandatario a añadi cu por mira riba varios di e terenonan aki borchinan di “for sale”, kiermen nan ta bendiendo terenonan erfpacht, y esaki ta completamente en pugna cu e maneho di gobierno.

 

- Advertisement -

DUNA COMENTARIO

Please enter your comment!
Please enter your name here