Home General Director Frandsel Giel a mustra orguyoso cu “AIB vastgoed” ta parti di...

Director Frandsel Giel a mustra orguyoso cu “AIB vastgoed” ta parti di e proyecto aki

327
0
SHARE
- Advertisement -

Durante spantenbier di restauracion edificio JFK:

ORANJESTAD (AAN) – Recientemente, a celebra cu e proyecto di restauracion di edificio J.F. Kennedy, a yega su spantenbier. Manager Director di Banco di Inversion di Aruba (AIB), Frendsel Giel, a hiba palabra durante e ocasion aki.

E funcionario a expresa cu yega na e punto di mas halto di e edificio ta algo pa celebra, y na prome lugar el a gradici e 60 empleadonan cu a traha dia y anochi pa por a yega na e punto aki.

El a felicita BOHAMA tambe cu tur e crew completo, y tambe na Minister di Enseñanza cu ora e proyecto aki a keda en espera un rato, a pick up esaki y den un tempo relativamente cortico por a inicia esaki na Mei 2018 y tur cos ta canando segun schedule.

E ta canando di manera cu na Januari 2020 por entrega e edificio, pa asina e wordo entrega na Departamento di Enseñanza.

E edificio di JFK (ex-scol) a wordo construi na aña 1952 y na 1968 a traha e hala nobo.

E edificio ta bay ubica mas of menos 200 persona, y e tereno tin un grandura di mas of menos 15 mil meter cuadra.

“Nos ta masha contento cu, AIB Bank como “vastgoed”, cu nos ta parti di e proyecto aki cu tabata para pa masha hopi aña mes. Y ora cu nos mira e construccion, e progreso, e renovacion aki den e corridor di turismo di Aruba, nos tur por ta masha orguyoso di dje, inclui nos famianan cu a atende e scol aki”, sr. Giel a señala.

El a enfatiza cu esaki cu yudanza di arkitecto y contratistanan y Monumenten Bureau, y sigur e team di AIB cu a traha dia y anochi pa materializa y haci esaki un proyecto hopi exitoso.

E inversion total ta di 23 miyon florin, cu ta bay den e economia di Aruba y AIB ta contento di ta parti di dje. “E proyecto aki cu yudanza, apoyo y deseonan di Monumenten Bureau mi ta contento di anuncia cu aki dilanti ta bin un plaza monumental, no grandi pero cu ta duna realze tambe na e arkitectonan cu a diseña casnan florea di pasado” sr. Giel a comenta.

Sr. Giel ta spera cu lo tin mas proyecto cu AIB lo ta envolvi como, pasobra como AIB vast goed nan ta contribui y kier sigui contribui, cu Aruba su economia.

 

- Advertisement -

DUNA COMENTARIO

Please enter your comment!
Please enter your name here