Home General Duaneronan na Aeropuerto ta traha indefenso y sin ningun tipo di proteccion

Duaneronan na Aeropuerto ta traha indefenso y sin ningun tipo di proteccion

215
0
SHARE
- Advertisement -

SADA: AAA, gobierno y Staten NO ta duna oido:

ORANJESTAD (AAN) — Despues cu trahadornan di Aduana na Aeropuerto a intercepta un arma y varios bala cayente, for di un pasahero, SADA a manda un carta pa e director mustrando e cu tin cierto aspectonan pa locual ta seguridad di ambtenaarnan di Aduana, na pia di trabao, cu mester a wordo regla for di 2017 caba, ora cu a pone frozen glass den e sala di yegada, cu ta obstaculiza e bista di e duaneronan riba e pasaheronan.

Esnan cu ta biahando aworaki por ripara cu e empleadonan di aduana no tin ningun tipo di bista riba e sala di yegada, banda di e carrousel unda e maletanan ta sali y esey ta haci cu e duaneronan no por haci un profileren riba e pasaheronan.

Desde 2017 SADA a haci un suplica na tanto e minister como e leiding pa elimina e tipo di glass menciona y pone e sorto di glass cu nan si por wak e area unda e pasaheronan ta sinta warda riba nan maleta, pa asina por profila y wak kico ta “going on” pasobra esaki ta un di e trabaonan di Aduana, controla e pasaheronan ora nan yega.

Lamentablemente, sr. Maduro a reitera, esaki no a haya oido y na varios ocasion SADA a keda purba y trata di bin cu un cambio den esaki, pero esaki no a sosode.

Ora a haya e arma pa SADA awa a pasa hariña y a manda carta pa e director bisando e cu pa motibo di seguridad mester elimina e frozen glass aki mas pronto posible, pero lamentablemente e director a bin cu e pensamento cu e no por haci nada, y cu aeropuerto tin cu dicidi.

SADA ta sinti su mes man cruza. Y despues di a ricibi e contesta di e director cu nan ta haye hopi swaak y sin interes den e seguridad di su personal, pasobra como director e tin cu para banda di su trahadornan cu no tin proteccion pa locual ta armamento.

SADA a manda e carta cu un deadline te 31 di Januari, pero nan no a haya ningun tipo di reaccion di parti di e director.

Sr. Maduro a indica cu tanto Minister di Finanzas, como Minister Presidente y Staten a wordo agrega den e carta pero di nan banda tampoco SADA a haya ningun tipo di reaccion.

Despues a manda e carta pa Minister di Finanzas pidiendo e reunion cu mester a tuma lugar Dialuna ultimo, pero tampoco a haya ningun tipo di reaccion di e mandatario.

Pesey nan a dicidi di trece e punto aki dilanti den conferencia di prensa, pa capta atencion tanto di e director di aeropuerto como di e mandatarionan y di Staten, como tambe di pueblo en general, riba e situacion penoso cu trahadornan di Aduana ta pasando den aeropuerto.

Esaki sin tene cuenta cu na 2016 ora cu a arma e seccion na Barcadera, a palabra cu lo haci tur e ehercicionan necesario pa bay over na aeropuerto. E lider sindical ta lamenta cu nan ta mira cu den transcurso di tempo e pasaheronan a bira menos cooperador pa locual ta trata e trabao di Aduana. Aworaki na pia di trabao nan ta confronta mas problema, insulto, agresion, pero lamentablemente e leiding di Aduana no ta wak esaki.

 

- Advertisement -

DUNA COMENTARIO

Please enter your comment!
Please enter your name here