Home Carnaval E anochi y madruga di Lighting Parade lo tin un megacrusero den...

E anochi y madruga di Lighting Parade lo tin un megacrusero den Waf

893
0
SHARE
— Celebrity Reflection lo bay ta como 27 ora largo ancra na Aruba.
- Advertisement -

ORANJESTAD (AAN): Diasabra awor 23 di Februari lo tin e Aruba’s Grand Lighting Parade di Carnaval 65 den cayanan di Oranjestad.  E lo cuminza pa 8:00 pm for di Aruba Entertainment Center, y ta finaliza pa 2:00 am banda di Citgo Boulevard.

Algo cu DIARIO a tuma nota di dje, ta cu henter e anochi aki lo tin un mega barco crusero den Waf di Aruba.

E barco “Celebrity Reflection” ta un barco cu a cuminza nabega na October 2012, y tin capacidad pa 3.046 pasahero.  E ta conta cu 1.271 miembro di tripulacion.

E barco lo yega Aruba Diasabra pa 3:00 pm, y lo mara na Kade-C di Waf.  Y eynan e lo keda ancra henter anochi y madruga.  Pues e barco lo ‘drumi’ na Aruba.

Su siguiente dia, esta Diadomingo 24 di Februari, e barco lo bandona Aruba pa 6:00 pm.  Pues Reflection lo keda pa 27 ora mara na Aruba.

Como cu e entrada principal di Cruise Terminal lo ta cera pa trafico, kizas APA lo tin di notifica e dianan venidero ta ki ruta e Bus y Taxinan por usa pa por yega na e barco.  Kizas ta habri e Gate banda di edificio di APA, of kizas e Gate cu tin cerca di Harbour Arena.

   SUGERENCIA PA A.T.A.:

Y como cu e barco ta mara den Waf di Aruba, esey nifica cu e pasaheronan aki lo por experiencia Lighting Parade tambe, cu lo bay ta yegando e area ey despues di 11’or di anochi.

Un sugerencia pa instancianan di Turismo, incluyendo ATA of APA pa haci algo pa traha sikiera un flip-board grandi pa pone den Cruise Terminal pa informa e turistanan aki cu lo bay tin un Parada di Luz e anochi ey.  Sikiera e turistanan sa di antemano cu nan lo por subi caya e anochi ey pa cana den e ruta y busca un lugar pa mira e Parada.

Esey ta algo pa asina bo ta sigur cu e turistanan wordo informa adecuadamente cu tin un actividad di Carnaval cu lo pasa hopi cerca di nan e anochi y madruga ey.

- Advertisement -

DUNA COMENTARIO

Please enter your comment!
Please enter your name here