Home General E mayor peso cu ta imposibilita Citgo pa haya e fianza ta...

E mayor peso cu ta imposibilita Citgo pa haya e fianza ta e sancionnan riba Regimen Maduro

259
0
SHARE
- Advertisement -

Pa restart Aruba su refineria:

ORANJESTAD (AAN) — Alvin Koolman, Director di Refineria di Aruba, a splica cu start up e refineria di Aruba, y rehabilite como un upgrader, a resulta hopi atractivo pa CITGO, y pesey e compania a bin na remarca y nan a bin evalue y a firma pa start’e up como pa un periodo di cuater aña.

“Cuater aña tabata un proceso, pa motibo cu nan mester a haci hopi gasto pa bin wak cuanto e ta bay costa, pero nos tur tabata sa tambe cu tabata tin hopi problema cu sancionnan, y aunke e proyecto riba su mes tin un pago di apenas di 1.5 pa dos aña di e periodo, pero pa haya e placa necesario pa start e up, CITGO mester a bay busca esey”, sr. Koolman a subraya.

El a sigui bisa cu na Augustus 2017 a bin sancionnan extra, riba e regimen di Maduro cu a haci mas dificil ainda pa yega na e placa cu nan mester pa start up e refineria. El a subraya cu for di 2016 un di e retonan mas grandi ta wak si berdaderamente nan por a haya e fianza necesario pa start up e proyecto aki. Hopi a wordo evalua, hopi a bin, pero e sancionnan ta e peso principal cu a wordo haci.

El a agrega cu aunke den diferente conferencia di prensa el a expresa cu e proyecto aki ta hopi atractivo, e politica di e regimen di Maduro ta haci practicamente imposible pa haya un instituto financiero pa haci e proyecto aki factible. 

PLANNAN CU POR BIN:

Sr. Koolman a sigui bisa cu a wordo studia hopi durante e ultimo aña, kico ta e plannan cu por bin; e plannan pa un refineria semper ta dificil pero como upgrader e ta mustra mas atractivo.

“Awo, si bo kita e refineria for di Citgo y bisa cu bo ta bay opera bo mes, bo ta causa un bridge y no esey so, bo tin cu purba bolbe na Venezuela, pasobra e crudo venezolano ta e unico cu bo por upgrade. For di e faha di Orinoco tin un crudo hopi pisa, cu acido y azufre halto”, sr. Koolman a subraya.

KI OTRO OPCION?

Koolman a papia tocante dos opcion cu por pensa. Un ta, bay na otro compania petrolero, of si berdaderamente bin un cambio de e regimen Maduro. “Si bin un cambio den e regimen Maduro, sigur sancionnan ta wordo lanta y ta bin e inversionnan necesario”.

Koolman a recomenda miembronan di prensa pa busca un buki cu recientemente, a wordo saca pa Leopoldo Lopez y Gustavo Baquero (titular Venezuela Energetica), cu ta delinea kico ta e prioridad di Venezuela ta un cambio di gobierno y e prioridad number uno ta subi e produccion di crudo y gas.

“Aruba ta e unico proyecto cu den un periodo di 14 pa 16 luna, por aumenta e produccion di crudo Venezolano na un total di 150.000 bari pa dia . Actualmente nan ta produci 1.1 miyon bari cu ta un tiki mas cu 10% di loke Aruba por produci den e periodo aki”, sr. Koolman a señala.

Koolman a añadi cu e plan cu nan tin ta pa subi e produccion di crudo pa 4 of 5% den un periodo te 2030 y di eynan nan kier bay na un cantidad di 4 pa 5 miyon bari, pasobra Venezuela su economia ta basa riba produccion di crudo.

- Advertisement -

DUNA COMENTARIO

Please enter your comment!
Please enter your name here