Home Gobierno Esfuerzonan ta dirigi riba cumplimento di e contract cu CITGO

Esfuerzonan ta dirigi riba cumplimento di e contract cu CITGO

40
0
SHARE
- Advertisement -

Prome Minister Evelyn Wever-Croes:

ORANJESTAD (AAN): Prome Minister Evelyn Wever-Croes, dialuna a duna di conoce cu Gobierno di Aruba tin e situacion di e refineria Citgo halto riba agenda desde e prome dia den gobernacion. Tur esfuerso awor ta dirigi riba cumplimento di e contract di parti di Citgo.

Prome Minister: “Nos tin contacto cu e dirigentenan anterior y e dirigentenan nobo kendenan recien a wordo apunta. Nos tin contacto tambe cu autoridad Mericano tocante e sancionnan.

Plan A te cu Z ta pa logra pa e sancionnan wordo lanta p’asina e fondonan por wordo uza pa paga loke ta atrasa y pa paga locual mester bin ainda pa rehabilita e refineria.

E linea di comunicacion ta habri y ta bayendo bon. E compania tin hopi reto pa cumpli cu autoridad Mericano, pero e no ta imposible. Gobierno di Aruba no ta partij na esey. E ta algo cu nan mester regla pero nos ta poniendo tur presion posibel pa autoridad Mericano lanta e sancionnan.

Si esey no logra nos lo evalua e siguiente paso. Tin varios compania serio cu a mustra interes den nos refineria. Pero tanten cu nos ta mara na Citgo, nos no por negocia cu nan. Una bes cu nos no ta mara mas, nos lo negocia cu nan pa saca e miho deal posibel pa Aruba.

Tanto pa trahadornan di Aruba (pago primario y secundario y siguridad di trabou), como pa Gobierno (impuesto y genera economia) como comunidad en general (cumplimento cu leynan medio ambiental, ser un “good corporate citizen”)”.

- Advertisement -

DUNA COMENTARIO

Please enter your comment!
Please enter your name here