Home Impuesto Esnan cu tin plachi number sin uso por entrega esaki na Departamento...

Esnan cu tin plachi number sin uso por entrega esaki na Departamento di Impuesto

31
0
SHARE
- Advertisement -

DIMP por reserva e number y duna dispensacion di pago

ORANJESTAD (AAN):  Tin personanan cu nan auto no ta den uso. E personanan aki tin chens pa bay Departamento di Impuesto pa haci entrega di nan plachi number.

Relaciona cu esaki Meverly Romano, PR di DIMP a señala cu actualmente tin mas di 20 mil number di auto cu no a wordo paga ainda. Pero di e grupo aki, personanan cu a entrega nan number di auto, nan a hacie na comienzo di Januari.

Kiermen, nan a duna di conoce cu nan no ta bay usa e number pa aworaki. Kizas pasobra nan auto no ta den uso. Na comienzo di Januari, nan ta entrega nan plachi number y nan ta paga solamente 20 florin pa DIMP reserva e number pa nan durante un aña, Romano a indica.

E clientenan aki ta haya dispensacion di belasting pa e prome mitad di aña. Ta depende tambe con largo e plachi number ta keda na DIMP, a agrega.

Pa e clientenan cu ta bay entrega nan plachi number aworaki, nan tog mester paga e prome mitad di aña pasobra ya nan ta laat caba cu e entregamento di e plachi. Nan lo por haya eventualmente dispensacion di e belasting, pero pa e siguiente mitad di aña cu ta bay bin cu ta cuminza dia 1 di April.

Kiermen cu pa e periodo aki, e persona no ta haya dispensacion mas, pero posiblemente si pa e siguiente kwartal, dependiendo di con largo nan ta laga nan plachi number na DIMP. Si e plachi ta wordo entrega pa un luna so, e ora e dispensacion no ta conta, Meverly Romano a enfatiza.

 

- Advertisement -

DUNA COMENTARIO

Please enter your comment!
Please enter your name here