Home General Festival di disfraz cu material recycle, pa mucha, den Centro di Bario...

Festival di disfraz cu material recycle, pa mucha, den Centro di Bario Playa Pabao

78
0
SHARE
- Advertisement -

Awe ta ultimo dia pa inscribi:

ORANJESTAD (AAN) – Den Centro di Bario Playa Pabao, Twyma vd Biezen, representante di mercadeo y benta di Serlimar y sr. Dennis  Burke  Presidente di Centro di Bario Playa Pabao, a tene un conferencia di prensa, relaciona cu e festival di disfraz di material recycle cu ambos instancia ta bay organiza.

Señor Burke a gradici Serlimar cu a uni su mes na e evento aki. Un evento cu a cuminza na 2017, kiermen esaki ta e di tres aña consecutivo cu lo tuma lugar.

El a agrega cu e motibo principal ta pa duna e hobennan un chens na un manera economico pa participa tambe den carnaval.

Burke a señala cu tambe tin e meta di haci e famianan conciente pa recycla y no tira tur cos afo. Nan tambe tin e oportunidad di demostra nan creatividad.

Sr. Burke a menciona tambe cu aña pa aña e actividad aki a crece, y e lo tuma lugar Diabierna 15 di Februari di 6 or di atardi pa 8 or di anochi.

E muchanan lo participa den tres categoria:

Kleuterscool

Eerste, 2de y 3de klas basico

4de, 5de y 6de klas. 

REGLAMENTO:

Presidente di Centro di Bario Playa Pabao, sr. Burke a menciona e reglanan cu e competencia aki ta encera.

E reglanan ta cu no mag di ta un disfraz cumpra. Por uza glitter, payet y glit di color pa decora e disfraz.  Mag di uza lijm pa pega e disfraz na otro. No mag di uza hilo pa cose e disfraz pero si por mara algo na otro. No mag di uza tape, ni niet.

E disfraz no mag di costa e persona ni un cen. E show ta pa mas mucha subi stage y balia. Pues, e participante mester subi escenario su so.

Mester entrega un siman prome cu e actividad, e descripcion di e material cu ta wordo uza. Tur participante mester tey, e dia di e festival, pa 4.30 pm.

PREMIONAN:

Lo premia e creatividad cu e material recycla: esun mas bunita, esun mas popular y speech.

Pa popular, a dicidi di duna punto extra na e participante cu ta bende mas tiki y esun cu ta haya mas like share riba facebook.

Sr. Burke a splica cu speech no ta obligatorio, pero esun cu hacie lo participa pa premio di speech. E mester ta di maximo un minuut, trece un mensahe tocante medio ambiente, y e mester ta na Papiamento.

E participantenan mester trece nan musica pasobra lo tin un brass band cu ta bay acompaña tur e participantenan.

Lo bay tin hurado cu tin conocimento di material recycle y conocimento di carnaval. E hurado lo score e participantenan entre 10 pa 100 punto. Ultimo dia pa inscribi ta Diabierna awor 8 di februari, pa 5 or di atardi.

E dia aki tambe lo reuni cu e mayornan pa repasa e reglanan y asina no tin ningun discusion na final di e actividad, sr. Burke a splica.

Te na e momentonan aki tabata tin diez participante inscribi caba, pero nan kier logra alomenos 16.

- Advertisement -

DUNA COMENTARIO

Please enter your comment!
Please enter your name here