Home Social Fundacion Rancho cu focus riba proyectonan cu comunidad ta beneficia di dje

Fundacion Rancho cu focus riba proyectonan cu comunidad ta beneficia di dje

98
0
SHARE
- Advertisement -

Na 2019:

ORANJESTAD (AAN): Ginelly Quant, coordinador di Centro di Actividad Rancho a duna informacion tocante nan proyecto reciente.

Na prome lugar el e bisa cu Centro di Actividad Rancho a establece dia 14 di October 2016 cu e meta di fungi como un centro di informacion y di contacto pa e habitantenan di e bario di Rancho.

Bao di e meta aki tin proyectonan di actividadnan social cu ta wordo realiza. Centro di Actividad Rancho ta enfoca riba dos di e nuebe metanan cu Fundacion Rancho tin cu ta duna e hobennan un di dos oportunidad pa drenta den e mercado laboral y crea un punto di encuentro unda e habitantenan por topa otro y intercambia informacion cu tin di haber cu aspectonan cultural y historico, Quant a señala.

For di 2015 Fundacion Rancho a cuminza haya fondonan pa su proyectonan. Na 2017 a purba aplica pa un fondo di Samenwerkende Fondse di Hulanda y aña pasa na December a haya aprobacion unda cu nan ta bay haya co-financiamento pa nan proyectonan bao di Centro di Actividad Rancho pa aña 2019.

Pesey nan a anuncia cu ta bay tin proyectonan nobo ta bay cuminza. Tambe ta asina cu for di Januari 2019 nan ta bay ta habri 3 dia pa siman, esta Dialuna, Diamars y Diahuebs di 9 am te 3 pm, como punto di informacion of pa bishita e biblioteca. E resto di dianan lo dedica na e proyectonan, Ginelly Quant a agrega.

E aña aki ta bay enfoca riba e parti di actividadnan social cu ta proyectonan cu comunidad ta beneficia di dje.

Pa informacion por bishita nan Facebookpage: Centro di Actividad Rancho.

 

 

 

 

- Advertisement -

DUNA COMENTARIO

Please enter your comment!
Please enter your name here