Home Gobierno Gobierno di Hulanda ta reconoce Juan Guaido como presidente interino di Venezuela

Gobierno di Hulanda ta reconoce Juan Guaido como presidente interino di Venezuela

423
0
SHARE
- Advertisement -

Prome Minister mr. Evelyn Wever-Croes:

ORANJESTAD (AAN) – Dialuna mainta Hulanda a informa Gobierno di Aruba tocante nan decision di reconoce sr. Juan Guaido, como presidente interino de Venezuela.

Cu esaki, aworaki e tarea segun e peticion haci na esnan cu a reconoce ta pa organiza eleccionnan liber, pa asina e pueblo di Venezuela scoge nan mesun presidente.

Esaki gobierno di Hulanda a haci pa medio di un carta cu el a manda pa Parlamento Hulandes, unda e ta duna mas informacion tambe tocante kico ta locual por ta e posicion di Hulanda, y den esaki di Reino Hulandes.

Minister Presidente a reitera locual el a indica den un boletin cu el a emiti, den nomber di su gobierno, y a subraya cu nan ta sigui e desaroyonan na Venezuela di cerca y ta reuni cu autoridadnan local riba base diario, y e mes mas cu un biaha pa dia te reuni cu nan pa trata e tema aki.

E mandatario a reitera tambe cu Diaranzon, hunto cu e autoridadnan local concerni, e lo ta den Parlamento, pasobra nan a pidi mas informacion.

Minister Presidente a enfatiza cu e tema di Venezuela ta uno hopi delicado y cu mester wordo atendi cu sensatez. No ta un asunto pa hinca den ambito politico, pasobra e ta afecta tur ciudadano na Aruba.

El a haci un yamada specialmente riba oposicion pa hiba un linea den esaki pasobra un paso en falso por afecta nos pais. Aki e dignatario a referi na e expresion di Parlamentario Dowers, tocante di transporte di oro. Den otro articulo DIARIO lo elabora riba e tema specifico aki.

Minister Presidente mr. Wever-Croes a bolbe splica cu hunto cu Marina Real, y autoridadnan local y den bon coordinacion cu esnan di Corsow y Bonaire, tanto riba lama como na tera, nan ta prepara pa atende cu e tema di Venezuela debidamente.

E dignatario a subraya cu te aki Aruba por haci y no mucho mas. Locual ta keda nos pais pa haci ta pa nos pueblo uni den oracion pa ohala por bin un solucion pronto.

Un biaha mas e dignatario ta pidi nos comunidad pa no drenta den panico, pasobra ta den trankilidad cu Aruba por tuma e mihor decisionnan di proteccion y na bienestar di nos pais.

 

- Advertisement -

DUNA COMENTARIO

Please enter your comment!
Please enter your name here