Home Parlamento Gobierno mester pone mas atencion y ta mas diligente cu e problema...

Gobierno mester pone mas atencion y ta mas diligente cu e problema di adiccion na Aruba

128
0
SHARE
- Advertisement -

Parlamentario Hendrik Treveden:

ORANJESTAD (AAN) – Diaranzon mainta, e conferencia di prensa di fraccion di MEP a tuma lugar den e sede di e partido na Santa Cruz.

Den e oportunidad aki a hiba palabra e Parlamentarionan: sr. Hendrik Treveden,sra. Setty Christiaans-Yarzagaray, y sr. Edgard Vrolijk.

Parlamenario Treveden tabata tin como prome punto e situacion di drogadiccion na Aruba, cu ta crea un malcontento bao e miembronan di fraccion di MEP.

El a splica cu nan tin entendi cu trahadornan di MFAnan y tambe esnan di Centro Colorado, a yama pidi un reunion cu e minister concerni, pero esaki a cambia e reunion aki hala e fecha pa otro dia.

No obstante, e parlamentario kier a trece na conocemento di tur e trahadornan menciona, cu fraccion di MEP ta para banda di nan, pasobra nan tambe merece mihor, segun e parlamentario.

Treveden a agrega cu loke ta pasando den e tereno di adiccion, ta cu tin un problema unda cu e structura, henter e sistema y e maneho di drogadiccion no ta canando.

E tin entendi cu for di e gobernacion anterior mitad di empleado a wordo manda cas, y esey ta nifica cu e dienst aki ta operando solamente cu e trahadornan cu a keda cu ta masha tiki, pa e cantidad di clientenan cu mester atende.

Sr. Treveden a agrega cu e ta mira cu den e continuacion di e situacion aki e cambionan y e maneho cu mester a bin pa mehora esaki, ainda no ta “in place”.

Parlamentario Treveden a indica cu e gabinete Oduber tin cu pone hopi mas atencion y ta mucho mas diligente pa atende cu e problema di adiccion di Aruba y principalmente e trahadornan cu ta duna servicio riba e tereno aki.

E parlamentario a subraya cu e ciudadanonan cu a cay den adiccion, merece di un cuido digno y e oportunidad pa recupera y ademas merece e mihor trato posible, pero pa por yega eynan, ta na su lugar pa e minister concerni percura pa e material, e infrastructura necesario, y e personal cu falta pa e dienst aki por funciona debidamente. Y mester zorg pa tur e detayenan necesario pa e departamento concerni funciona optimalmente pa asina por atende cu e problema menciona.

Treveden a menciona tambe cu e tin entendi cu no tin un departamento cu por encarga cu e hobennan y tampoco e hendenan muher, cu tin e problema di adiccion.

- Advertisement -

DUNA COMENTARIO

Please enter your comment!
Please enter your name here