Home General Gremio sindical, Dunador di Trabao y Gobierno a reuni recientemente

Gremio sindical, Dunador di Trabao y Gobierno a reuni recientemente

59
0
SHARE
- Advertisement -

Prome Minister den Dialogo Tripartite:

ORANJESTAD (AAN) — Recientemente a tuma luga e Dialogo Tripartite, entre gremionan di trahadonan, dunadonan di trabao y Gobierno.

Nan no a uza e nomber di Dialogo Social of Nacional, ya cu no kier a bay bek, ya cu tur partido ta sinti cu nan vision ta wordo presenta den dje.  Y pa evita cualkier desapunto di pasado e no a bin asina riba mesa.

Prome Minister, mr. Evelyn Wever-Croes, tabata presente na e reunion aki, den representacion di Minister Glenbert Croes, cu tabata den exterior.

E dignatario a cuminza na splica cu lamentablemente nan vision no por a wordo ehecuta durante e prome aña di gobernacion, ya cu nan tabata mas bezig “ta paga candela”, atende e problema financiero y purba na mantene cabes riba awa, mientras gobierno tabata atende cu CAft, cu Hulanda, pa yega na palabracion.

Awo tin palabracion cu Hulanda, pero esey no kiermen cu e ta facil. E situacion financiero di gobierno ta dificil. Pero tin un plan y mester mantene e plan aki. Awo tin tempo pa structura tur e otro areanan, y a cuminza pone fundeshi pero no ta asina leu ainda, segun Prome Minister a declara.

E importancia di e dialogo tripartite ta pa evita pa gobierno tuma decisionnan unilateralmente, sin consulta suficiente cu tur e gremionan. Esey ta un riesgo real. Ta purba evita cu esaki pasa den decisionnan grandi sin consulta. Ora di pensa riba reforma fiscal cu ta algo grandi cu  mester bin ainda, ya locual a bin caba ta cosnan chikito.

Ora di pensa riba vision economico, e minister di Finanzas, Economia y Cultura, ta bezig cu esaki, Prome Minister a indica. Minister Presidente a señala cu den e direccion aki, ta pensa cu gremionan mester wordo scucha. Crecemento economico tambe ta den e metanan, pero e meta ta pa e aki bin hunto cu cuponan di empleo. Esey ta bay pa dunadornan di trabao. Ta pa semper tin un mecanismo (permanente) di consulta y e minister di Asuntonan Social tin su hendenan institui pa cu esaki. Ta un temporada nobo pa Gobierno tambe, pero e team di Ministro di Asuntonan Social ta e prome punto di contacto entre gobierno y minister, cu ta bin aden ora di tumamento di decision, ora di conflicto y ora e minister ta bin aden. Pa evita cu esaki escala.

Den vision di Gobierno ta pa ancra e tipo di dialogonan aki den ley. Pero mester wak si e ta funciona, y despues ancra esaki den ley. E ora ey tur minister mester tene su mes na dje. Na Hulanda tin e Stichting van Arbeid, un fundacion unda e doño di trabao y e trahadonan ta representa den dje y hunto ta tuma un posicion pa dialoga cu gobierno.

Gobierno a ricibi cartanan di sindicatonan di 19 di December, y no por a atende cu nan di biaha. Minister di Asuntonan Social y Labor lo atende cu esaki na final di luna. Algun punto di e cartanan ta asuntonan serio. Ta papia di derechonan fundamental cu no por wordo trapa di nan. Ta cosnan fundamental. Y e minister Glenbert Croes ta trahando riba esaki.

E prome contacto cu sindicato ta cu Minister di Labor. Y e departamentonan estatal cu ta cay bou di Minister Evelyn Wever- Croes, si ta diferente. Lo bay tin diferente contacto cu esakinan ora ta necesario.

 

- Advertisement -

DUNA COMENTARIO

Please enter your comment!
Please enter your name here