Home Parlamento Henk Kamp ta nombra contra Lei den CAFT

Henk Kamp ta nombra contra Lei den CAFT

30
0
SHARE
- Advertisement -

Parlamentario Endy Croes: Henk Kamp ta nombra contra Lei den CAFT

In het Land der blinden is eenoog koning

ORANJESTAD(AAN)— Parlamentario Endy Croes ta sinti su mes masha defrauda cu Hulanda na e manera cu Hulanda ta hiba su politica, segun un comunicado emiti na prensa.

Segun Croes ora Bo analisa Hulanda bon ta hopi scuma y poko chuculati. Si Bo ta un pais cu ta respeta Lei y kier pretende di e ehempel den mundo anto Bo mester cuminsa na Bo cas. E ta bisa cu “biniendo bek riba CAFT nos tur sa e historia cu CAFt a faya barbaramente den su trabao.Ta hustamente bou e supervision di CAFT Mike Eman y AVP a wordo permiti pa desgracia e Finansas di nos pais door di laga e debe nacional aumenta te alrededor 90% y pues causando e Mega Debe y e desastro financiero.”

Segun Endy Croes,  Mike Eman a “balia” CAFT cu tur sorto di kwijtschelding den buki manera e kwijtschelding di 60 miyon di SVB. Asina artificialmente a pasa CAFT un cantidad di fastball mientras CAFT tabata manera un avestruz esta cu su cabes bao di tera. CAFT a bay buska refuerzo pa evita cu nan lo wordo tuma haci.  Segun Sr. Croes, “mas tristo den tur esaki, Mama Hulanda ta coopera cu illegalidad.”

Parlamentario Croes ta splika cu tin un lei di LAFT cual a wordo pasa den Staten na Aruba. Aki Hulanda ta mustra claramente cu nan no ta importa un bledo cu Lei pero ta trapa riba Lei como se da la gana. Henk Kamp un x politico kende a aparece diferente biaha riba lista di VVD esta lista di Rutte a wordo nombra den CAFT y ta illegal.

Parlamentario Endy Croes ta keda exigi su retiro. “Si Henk Kamp ta honesto e mester “bedank” su puesto paso Henk mas cu tur hende sa bon bon  cu e ta nombra contra Lei. Lei di LAFT ta stipula hopi cla y mi lo cite un biaha mas:  Artikel 4 Lid d :  “ een lid van de Staten of van een daarmee vergelijkbaar orgaan van Nederland, of op de lijst staan OF HEBBEN GESTAAN van enige politieke partij binnen het Koninkrijk der Nederlanden”, no por wordo nombra como miembro di CAFT. Pues Henk Kamp door di a aparece riba lista político no ta haci’e posibel pa wordo nombra y Hulanda aki a mustra su forsa y falta di integridad cometiendo acto contra nos leinan. “

“Artikel 3 di LAFT ta hopi specifico kende ta nombra e miembro den CAFT. Pues Hulanda ta esun cu a nombra Henk Kamp y no bin cu ningun otro smoejsie awor. Ora Aruba papia di “zachte lening” Hulanda su lana ta para y ta bira onsportief. Mientras ora papia di Henk Kamp Hulanda kier haci mescos cu su nanishi ta sangra.”

Parlamentario Endy Croes ta lamenta masha hopi mes e manera cu Hulanda ta atrapa nos Leinan y lo keda bringa esaki te final, segun e comunicado cu ta termina cu “ In het Land der Blinden  is eenoog koning.”

- Advertisement -

DUNA COMENTARIO

Please enter your comment!
Please enter your name here