Home Gobierno Importante ta pa comunidad keda trankil y pa sigui e lineanan di...

Importante ta pa comunidad keda trankil y pa sigui e lineanan di informacion oficial

38
0
SHARE
- Advertisement -

Evelyn Wever-Croes riba e situacion na Venezuela:

ORANJESTAD (AAN):  Diasabra awor, 23 di Februari, ta e fecha cu Presidente Interino di Venezuela, Juan Guaidó a pone pa e ayudo humanitario cuminza drenta Venezuela.

Relaciona cu esaki, Prome Minister Evelyn Wever-Croes a duna den conoce den un conferencia di prensa di ultimo ora diaranzon atardi, cu oficialmente e frontera maritimo y aereo entre Venezuela y e islanan ABC a wordo cera door di e Gobierno di Nicolas Maduro.

Maduro a duna di conoce di antemano cu e no lo permiti pa e ayudo drenta. Tin paisnan cu a bisa cu si Maduro no permiti cu e ora no ta bay forza e ayudo drenta. Tin otronan cu a bisa cu nan ta forza y cu nan ta drenta.

Premier Wever-Croes a agrega cu pa loke ta e status di e ayudo humanitario cu ta pa wordo manda for di Corsow, pa esaki tin varios escenario.

El a indica cu por sosode cu Nicolas Maduro dicidi cu e ayudo por drenta Venezuela sin ningun sorto di confrontacion. Tambe por sosode cu e no ta laga nan drenta. E ora tin e posibilidad cu e ayudo ta bin bek, cu no ta forza e entrada y tambe por tin e situacion unda lo forza pa e drenta tog y ta bay haya un confrontacion.

“Kico ta bay pasa exactamente nos no por bisa. Pero importante pa sa ta cu desde Aruba nos no lo bay mira e impacto eynan. Indudabelmente pasobra nos conoce e hendenan y pasobra social media den un rato bo ta haya tur e informacion. Lo bay tin hopi speculacion y hopi informacion ta bay wordo comparti”, a indica.

Finalmente, e mandatario a enfatiza cu importante ta pa comunidad keda trankil y pa sigui e lineanan di informacion oficial di gobierno.

 

- Advertisement -

DUNA COMENTARIO

Please enter your comment!
Please enter your name here