ORANJESTAD (AAN): Recientemente Ceque College Mavo a tene su eleccion di Reina. Na e evento aki a participa e siguiente candidatanan Angie Werleman (1A), Zuliani Halman (1B), Azy-Lynn Tromp (1C), Jeriana Garcia (2B) y Jaydienne Loefstop di klas (3B). Cada un di e representantenan a presenta un bunita speech y show den nan trahe recicla.
E miembronan di hurado a consisti di Jeanissa Maduro (Reina Grandi di Aruba Carnaval 65 y ex-leerling di Ceque College), Anky Vrolijk (Directora Fundacion Museo Arubano), Charlaine Alexander-Huntington (Manager Communicatie & Voorlichting na Dr. Horacio E. Oduber Hospital.), Marsheline Kock (Reina Grandi di Aruba Carnaval 64), Laureen Dix (Senior Manager & Integrity Officer na Aruba Bank), y Presidente di hurado tabata Emma ten Houten (Docente Biologie y N&T na Ceque), kende tabatin e tarea dificil y a tuma tempo liber di nan rutina diario pa tabata presente na e evento.
Despues di basta deliberacion nos resultado final tabata lo siguiente:
Reina Hubenil: Jaydienne Loefstop.
1st-Runnerup: Azy-Lynn Tromp.
Best Costume: Angie Werleman.
Best Show: Jeriana Garcia.
Nan ta duna un danki na tur nos sponsornan cu sin nan, e evento aki no lo tabata posibel. Un danki special tambe na nos leerlingen di Examenklas cu a tuma e evento aki den nan man y haci un tremendo trabao organizando e evento aki di Carnaval. Un danki tambe na Eugene Maduro, na Eldrick Alvarado nos DJ, na e organizatie team di Carnaval di Ceque College y tur nos coleganan cu a yuda nos haci e evento aki posibel.
Riba e potretnan por aprecia e ambiente y e creatividad di nos alumnonan.
