Home Policial Marina Hulandes a yuda den captura di 2.000 kilo di droga riba...

Marina Hulandes a yuda den captura di 2.000 kilo di droga riba lama

650
0
SHARE
- Advertisement -

ORANJESTAD (AAN): E barco di Marina, Zr.Ms. Zeeland den e anochi di 28 pa 29 di Januari, a logra  intercepta den Lama Caribe, un transporte di como 2.000 kilo di droga.  Esaki a sosode durante un patruyahe nocturno den Lama Caribe.  E pakinan sospechoso cu droga y e tripulantenan mientras tanto a wordo traspasa pa US Coast Guard.

Ta un avion di Guardacosta di Caribe Hulandes a detecta Dialuna cu a pasa un speedboat sospechoso riba lama grandi.  Su forma di nabega y comportacion a hala atencion di autoridad.  Asina a dicidi na laga e Helicopter NH90 lanta vuelo,  tambe un speedboat tipo FRISC cu abordo un team di US Coast Guard, y asina nan a logra  stop e boto sospechoso.

Prome cu esey a sosode, e tripulantenan abordo di e Speedboat a cuminza benta cantidad di bulto di droga den lama.  Pero autoridad a logra saca tur di lama.  Ora cu a check nan abordo, a resulta cu berdad nan tabata droga.  E peso a yega na 2.000 kilo.

Comandante di Zr.Ms. Zeeland, esta kapitein-luitenant ter zee Paul Bijleveld, ta satisfecho cu e captura grandi aki y ta principalmente orguyoso pa e forma cu a colabora entre e diferente servicionan.

“Tur esaki ta un accion exitoso.  Door di teamwork bon y inteligente di Guardacosta, NH90, e team di US Coast Guard, y e tripulacion di Zr.Ms. Zeeland, e accion aki a bira uno exitoso.”

Zr.Ms. Zeeland ta un Oceangoing Patrol Vessel di Marina Real Hulandes.  Desde December e barco ta stationschip di area Caribense.  Den e periodo aki ya caba nan a captura un Speedboat tipo GoFast, cu tabatin cantidad enorme di placa abordo.  Tambe nan a stroba un transporte di droga, unda e tripulacion di un barco sospechoso a cuminza benta bulto di droga den lama.

 

- Advertisement -

DUNA COMENTARIO

Please enter your comment!
Please enter your name here