Home Parlamento Marlon Sneek ta cuestiona flyer di canasta basico, pero ta lubida contrato...

Marlon Sneek ta cuestiona flyer di canasta basico, pero ta lubida contrato miyonario di ‘Aruba Dushi Tera’

159
0
SHARE
- Advertisement -

Endy Croes:

ORANJESTAD (AAN): Dialuna parlamentario di MEP Endy Croes a reacciona riba algo cu e parlamentario di AVP Marlon Sneek a trece dilanti recientemente.

“Sneek Diahuebs den un conferencia di prensa di AVP a cuminza zwaai cu un documento”.

“Tabata un documento cu Minister di Finanzas a presenta pa mustra cu e canasta basico lo wordo amplia di 11 pa 22 producto”.

Esaki segun Croes, kende a bisa cu Sneek a ‘ataca’ e ‘bunita flyer’ di e minister.

El a indica cu Sneek a bisa cu Gobierno di coi placa di pueblo pa traha e flyer aki, pa despues pone den corant y otro medionan.

“E flyer cu minister Xiomara Maduro a mustra pueblo tabata un A-4 na color y AVP cu nan politica anticua y barata, a pone nan atencion riba esaki”.

Esaki segun e parlamentario di MEP, kende a trece dilanti cu el a hasi un investigacion chikito y a bay bek pa algun aña pasa, unda cu Gobierno di AVP tabata publica e revista Aruba Dushi Tera.

Croes a splica cu tur luna 15.000 di e revistanan aki tabata wordo produci.

“Ta amigo personal di Mike Eman esta Rene Zwart di Zwart & Partners tabata print e revista aki”.

“Tur cos tabata wordo regla via Zwart & Partners”.

“Tabata tin 10.636 abonnement, pero e abonnement ta gratis”.

Esaki segun Croes, kende a indica cu Gobierno tabata paga pa produci e revista, mientras cu esaki no tabata genera ningun placa.

“Zwart a strika miyones cu e contrato cu e tabata tin”.

“Pa aña e revista tabata costa pais Aruba 214.000 florin tur aña luna y ora bo tuma e contrato full, el a costa 1.7 miyon florin”, segun Croes.

 

- Advertisement -

DUNA COMENTARIO

Please enter your comment!
Please enter your name here