Home Turismo y Hoteleria Mas di 25 aña bishitando Aruba, pa Neil y Michele Strandberg esaki...

Mas di 25 aña bishitando Aruba, pa Neil y Michele Strandberg esaki ta un Isla Terapeutico

43
0
SHARE
- Advertisement -

ATA cu certificado di honor na Embahadornan di boluntad:

ORANJESTAD (AAN) – Recientemente, Aruba Tourism Authority tabata tin e gran placer di a honra bishitantenan loyal na Aruba, como Embahadornan di bon boluntad. E certificado particular aki ta wordo otorga na guestnan cu ta bin Aruba pa 20 aña consecutivo of mas.

E bishitantenan honra tabata Neil y Michele Strandberg procedente di Long Island, New York, y nan tin bishitando nos destinacion pa mas di 25 aña hunto cu nan cinco yiu.

Riba e pregunta: “Di con Aruba?” nan contesta tabata: “Nos a fiha Aruba como un destinacion terapeutico for di e prome biaha cu nos a yega na e bunita y amigable isla aki”.

Un di e hopi motibonan cu anualmente nan ta bolbe Aruba ta e hospitalidad cu nan ta ricibi for di e personanan cu nan ta topa por tanto aña akinan, cu laga nan sinti mas cu Arubianonan y menos como turista. Nan tin determina cu Aruba ta un di e destinacionnan di mas amigable y alegre cu nan a yega di bishita asina largo. A lo largo di nan vacacion nan ta disfruta e gastronomia varia cu Aruba ta ofrece mescos cu diferente actividadnan den e Isla.

E ehecutivonan di ATA: sr. Patrick Melchiors, Destination Services Manager, presidente di board sra. Marieta Ras, sra. Marouska Heyliger, Visitor Care Liaison y sra. Sharicia Hashman Intern Communications, a entrega e certificado di honor, na e Embahadornan di bon boluntad.

Nan a wordo reconoci pa scoge Aruba como nan destinacion faborito pa vacacion como nan “hogar pafo di nan hogar”.

- Advertisement -

DUNA COMENTARIO

Please enter your comment!
Please enter your name here