Mega Concierto humanitario na Cucuta pa yuda Venezuela

    403
    0
    SHARE
    - Advertisement -

    CUCUTA, COLOMBIA: Diabierna tabata tin e mega concierto ‘Venezuela Aid Live” na Cucuta, Colombia (frontera entre Colombia/Venezuela).

    Un cantidad grandi di artista renombra a mustra nan apoyo cu e meta di yuda recolecta fondonan pa mitiga e efectonan di e crisis venezolano.

    Richard Branson, kende a organiza e concierto, riba peticion di Guaidó, a duna di conoce cu e intencion ta pa yega na un suma di 100 miyon dollar den 60 dia pa yuda e venezolanonan.

    Tabata un sorpresa ora cu Juan Guaidó, Presidente interino di Venezuela a logra cruza e frontera y aparece na e concierto apesar cu e tin prohibicion di bandona su pais. El a topa cu entre otro Ivan Duque, presidente di Colombia y cu otro autoridadnan, manera Sebastián Piñera y Mario Abdo, presidentenan di Chile y Paraguay.

    Awe ta e dia cu Guaidó a pone pa e ayudo humanitario cuminza drenta su pais. Mientrastanto, avionnan procedente di Merca a yega Colombia cu toneladanan di cuminda y remedi.

    E gobierno di Corsow lo a emiti diabierna un comunicado indicando cu nan no lo laga e ayudo humanitario sali tanten cu autoridadnan di Caracas duna OK pa ricibi e ayudo procedente di e isla. Tin entendi cu ta trata di 50 ton di cuminda y remedi.

    - Advertisement -

    DUNA COMENTARIO

    Please enter your comment!
    Please enter your name here