Home Parlamento Mervin Wyatt Ras parce un hende cu ta bin Parlamento y no...

Mervin Wyatt Ras parce un hende cu ta bin Parlamento y no sa kico e ta hasi

60
0
SHARE
- Advertisement -

Segun Edgar Vrolijk

ORANJESTAD(AAN): Parlamentario di fraccion di MEP Edgar Vrolijk Dialuna a reacciona riba parlamentarionan di oposicion, cu segun e semper ta trece informacion bruha y robez, cu e mal intencion pa confundi pueblo y pa crea discordia den comunidad.

Vrolijk a dirigi su mes contra e parlamentarionan di AVP, incluyendo Mervin Wyatt Ras.

Segun e parlamentario di MEP, Ras te ainda no ta compronde con un ley ta wordo maneha, mirando con el a papia di e ley di Laf.

Pesey Vrolijk a splica con e proceso ta ora cu kier introduci un ley.

Parlamento ta wardando pa e proposicion di e ley aki drenta  Parlamento.

“Ora cu e drenta nos ta wak si nos ta bay aprobe, pasobra nos a demostra caba cu nos ta un grupo dinamico di parlamentario cu no tin miedo di trece cambia manera debe ser”.

“Nos lo controla si a tene cuenta cu tur e cambionan pidi pa Raad van Advies”.

“Principalmente nos ta sali for di e punto di bista cu den e Laf bieu tin hopi kibramento di constitucion y nos ta spera cu nos por hasi tur e cambionan aki, pa e ley aki por ta uno cu contenido y manera debe ser”.

“Wyatt Ras ta bisa cu nan ta bezig controlando segun normanan bieu, pero mi ta kere cu tin hende cu ta bin Parlamento y no sa kico nan ta hasi”.

“Nos tur a aproba e normanan cu ta wordo uza actualmente door di CAft, en espera di Laf”, segun    Vrolijk, kende a sigui bisa cu e parlamentario di AVP a papia malo tambe di e Sociale Crisis Plan.

“E mester gara e proyecto aki cu dos man y alabe, pasobra pa hopi aña largo nos no a wak tanto placa hinca den algo importante asina”.

“El a referi na locual cu Caft a bisa, esta cu falta e mecanismo di control”.

“Cada tres luna e Minister y su team mester por duna un rapport financiero etc. y mescos e tin cu hasi na fin di aña, pues, absolutamente e mecanismo di control tey”, segun Vrolijk.

 

- Advertisement -

DUNA COMENTARIO

Please enter your comment!
Please enter your name here