Home General Mester sigui tene cuenta cu conseho di Relacionnan Exterior y evita viaha...

Mester sigui tene cuenta cu conseho di Relacionnan Exterior y evita viaha pa Venezuela

115
0
SHARE
- Advertisement -

Prome Minister mr. Evelyn Wever-Croes:

ORANJESTAD (AAN)— Na e momentonan aki tin hopi preocupacion cerca nos ciudadanonan, relaciona cu e situacion na Venezuela, y mas ainda cu tin un noticia cu ta core rond, cu Presidente Maduro tin un amenaza riba Aruba y Corsow, y cu awe a wordo menciona via un radioemisora for di Corsow mes, pero nos no tin mucho claridad riba e asunto aki.

Casualmente, den e conferencia di prensa reciente, cu a conta cu presencia di Prome Minister mr. Evelyn Wever-Croes, den e ronda di pregunta DIARIO a puntra e dignatario si e situacion di Venezuela escala, kico por ta e preocupacion di mas grandi pa nos Isla.

E mandatario a indica cu e prome pensamento cu ta pasa den su mente ta si unilateralmente Venezuela bolbe cera frontera. Y naturalmente, gobierno ta tene cuenta cu esaki.

Pero na e momentonan aki no tin ningun indicacion concreto cu esey lo sosode.

Sinembargo tin otro aspecto cu pa e dignatario ta keda hopi preocupante, cu ta nos hendenan cu ta biaha bay Venezuela, pasobra si tin ciere di frontera Aruba no por manda un avion busca hende trece for di Venezuela, pasobra e biaha aki si esey sosode lo no tin posibilidad di trece nos hendenan di un otro manera.

Pesey, Departamento di Relacionnan Exterior a emiti un comunidad di prensa, cu ta un conseho di viahe negativo pa bay Venezuela. Pa no bay aya si no tin mester “pasobra e situacion aya ta asina volatil y insigur cu nos no sa kico por pasa”, e mandatario a expresa.

E dignatario a indica cu e ta compronde pakico nos hendenan ta bay Venezuela: pasobra tin famia aya, of nan ta bay pa docter. Pero ta hopi importante pa tene cuenta cu e circumstancianan ta diferente y mester tene cuenta cu e conseho di Departamento Relacionnan Exterior.

Tambe riba e parti di importacion di producto, si Venezuela bolbe cera frontera cu Aruba, sigur e lo tin su efecto. Den otro articulo nos ta referi al respecto.

- Advertisement -

DUNA COMENTARIO

Please enter your comment!
Please enter your name here