Home General Na 2018 a confisca productonan petrolero!

Na 2018 a confisca productonan petrolero!

60
0
SHARE
- Advertisement -

Informacion concreto di DIARIO a denuncia peliger real

*Rusia tambe a defende su interes financiero den refineria

*Presencia di productonan no ta garantia cu por uza nan 

ORANJESTAD  (AAN) — E peliger cu e debenan di Venezuela, CITGO y PDVSA por resulta den problema serio pa productonan petrolero na Aruba,  ta basa riba informacion concreto y documenta di DIARIO. Na 2018 e problema a bati na porta di Aruba y tabata motibo pa actuacion rapido. Conoco Philips a confisca parti di e productonan petrolero di Venezuela y Aruba  mester a bay Hues.

A menos cu Aruba por proba cu el a paga pa tur e productonan y asina a bira nan doño, ningun compania di estado di Aruba manera Refineria di Aruba, por bisa cu e por uza productonan presente na Aruba manera e kier sin core riesgo cu nan por ser confisca.

E advertencia di DIARIO cu e crisis actual por tin consecuencia pa transporte local y trafico aereo, no tabata un pensamento di DIARIO pero un advertencia real basa riba e realidad cu e pais ta biba aden.

E hecho cu na e momentonan aki tin productonan petrolero presente na Aruba, ningun momento por kita for di e posibilidad cu otro pais por confisca nan

E situacion financiero di Venezuela, PDVSA y CITGO a haci cu nan no por a cumpli cu nan debenan enorme.

Conoco Philips ta un di e companianan cu a confisca productonan petrolero na Aruba, cu mester a hiba e caso Hues, mientras tabata busca otro forma pa evita cu eventualmente por surgi un scarsedad.

Hues a dicta contra e embargo pa motibo cu comunidad di Aruba tabata bira victima di e situacion y cu bienestar di e pais tabata directamente na peliger manera pais Aruba a trece dilanti.

Na e momentonan aki no ta e companianan aki ta e problema mas grandi.

CITGO no ta Venezuela so pero pa 49.9 porciento e ta den man di Rusia, cu dilanti Hues na Merca na Augustus 2018 a mustra su autoridad riba e propiedadnan di CITGO.

Rusia a adverti Venezuela cu e ta cobra tur su debenan despues cu problema a surgi na Venezuela.

Si Rusia dicidi cu e kier defende su interes uzando e medionan cu ley ta permiti, ningun hende por stop Rusia di tuma tur paso necesario cu ley ta permiti pa asina sigura cu e ta haya su placa.

Tin documentacion oficial cu Rusia ta lucha pa su interes ora PDVSA, Venezuela y CITGO ta den problema.

Esaki ta encera cu si na Aruba dicidi cu ta bay proteha interes di Aruba, Rusia por actua prome cu Aruba y reclama su derechonan.

Si Rusia dicidi cu e ta confisca tur producto cu CITGO tin den stock na Aruba, e tin e forsa legal pa haci esaki. Rosneft di Rusia legalmente no ta parti di CITGO pero manera el a proba cu documento riba plataforma internacional, tin derecho pa proteha e placa cu e mester haya pa medio di CITGO loke ta haci cu e propiedad di CITGO, cu Hues a pone riba un linea cu PDVSA y Venezuela, no ta liber.

DIARIO ta na defensa di bienestar di Aruba y por produci prueba pa tur su publicacionnan. Mundo a adverti Aruba pa un contracto cu Venezuela y PDSA cu ta CITGO, pa motibo di problemanan cu a surgi na diferente luga den Caribe a base di e debenan di Venezuela crea dor di e regimen di Nicolas Maduro.

- Advertisement -

DUNA COMENTARIO

Please enter your comment!
Please enter your name here