Home General OPPA ainda wardando ariba un fecha pa bay Corte

OPPA ainda wardando ariba un fecha pa bay Corte

126
0
SHARE
- Advertisement -

Ta spera cu gelijkbedrag y e “bashie-premie” wordo hinca den presupuesto

ORANJESTAD (AAN): Desde e gobierno anterior OPPA ta trahando ariba e AWG. 85,- sin logra un contesta satisfactorio pa su miembronanan.

Ivo Valdez, di OPPA, a reuni cu minister di Finanzas y minister di Asuntonan General ariba esaki, pero no a logra haya un contesta positivo ariba esaki ainda. Te na final di 2018, debi cu no ta haya un contesta positivo cu nan ta haya e suma cu e miembronan tin derecho ariba dje, a dicidi di hinca e caso den man di un abogado.

E caso ta pendiente y ainda no a logra haya un fecha pa e caso bin dilanti. Pero e tin si atencion di OPPA. Regularmente miembronan di OPPA ta yama oficina y tambe ariba caya ta puntra Sr. Valdez con a para cu e caso, si gobierno ta bay paga of no. Pero lamentablemente mester bisanan cu no tin contesta ainda.

A manda carta pa minister di Asuntonan General tocante bashie premie y gelijkbedrag pa e pensionadonan cu a bay despues di 1 di januari 2015 cu pensioen. Aña pasa den luna di april, dia 23 di april, parlamento a pasa un mocion, caminda cu nan ta urgi gobierno pa elimina e decision di no paga e bashie premie y gelijkbedrag na personanan cu a baha cu pension despues di 1 di januari 2015.

Lamentablemente, a manda diferente carta pa minister di Finanzas y a sinta cu Minister di Asuntonan General. Na octobre 2018 a logra sinta cu dos otro minister, pero no tin espacio aparentemente pa paga e sumanan aki y minister di Finanzas a bisa cu e no ta bay ehecuta e mocion aki.

OPPA a manda un carta pa parlamento ariba e asunto ey. A bolbe manda un carta pa minister di Asuntonan General. Ultimo, OPPA a haya un contesta cu nan ta trahando ariba dje, pero OPPA mes no a haya un contesta positivo ariba e asunto aki tampoco. Pero OPPA ta sosteniendo e pensionadonan uni ariba e asunto aki, pasobra cu no por ta asina cu pensionadonan cu tin e mesun tipo di areglo, a bay cu pension un fecha poco mas laat, a base di e principio di igualdad. Pero e personanan aki no ta hayando bashie premie ni tampoco gelijkbedrag pa tres aña caba.

Antes niun gobierno tabata hinca e gelijkbedrag den presupuesto. Semper tabata tin e problema cu mester yama puntra si ta paga e gelijkbedrag, e bashie premie, si of no. Esey ta e parti fastioso cu constantemente OPPA ta haya, mirando cu e no ta hinca den presupuesto. Ta spera cu e wordo hinca den presupuesto, pa evita cu tur ora tin problema cu e asunto aki. E no ta agradabel pa constantemente mester bringa pa nan mesun derechonan.

OPPA ta wardando ariba un fecha den corte, pa e caso presenta su mes dilanti hues, pa wak kico ta bay pasa. Si OPPA ta spera cu nan por gana e caso aki pa e miembronan por haya e placa cu nan tin derecho ariba dje.

- Advertisement -

DUNA COMENTARIO

Please enter your comment!
Please enter your name here