Home Parlamento ‘Pa goberna un pais, ta rekeri liderazgo’

‘Pa goberna un pais, ta rekeri liderazgo’

42
0
SHARE
- Advertisement -

Parlamentario Hendrik Tevreden:

ORANJESTAD (AAN) — Pa Parlamentario Hendrik Tevreden di MEP,  ta rekeri liderazgo pa goberna un pais. Durante conferencia di prensa semanal di fraccion di MEP, e Parlamentario ta reacciona riba declaracionnan haci pa ex Prome Minister Mike Eman riba caso IBIS.

Parlamentario Tevreden ta haya cu den un temporada unda Aruba ta den necesidad di politiconan serio, no tin espacio pa bin cu argumento y puntonan for di base.

Parlamentario Hendrik Tevreden ta splica cu caso IBIS a inicia desde 2015, cual tabata den pleno gobernacion di Gabinete Eman 2. Detencion di Paul Croes a tuma luga na maart di 2017, cual tampoco tabata den temporada di eleccion, contrario na declaracionnan haci pa sr. Eman.

“E maneho, e practica cu a wordo haci, a ser haci den temporada di gobernacion”, Parlamentario Tevreden ta aclarea.

E ta sigui splica cu ta di lamenta, aunke sr. Paul Croes mes a scoge e caminda ey, cu awe mester wak un hoben politico wordo condena na 4 aña di prizon y 9 aña cu e no mag di ta den ningun funcion di gobierno; ni como minister, ni como ambtenaar.

Mientras cu e actonan di ex mandatario Paul Croes tabata tuma luga, sr. Eman mes a scoge pa laga su secretaria atende cu esaki.

Parlamentario Tevreden: “Bo no por laga un secretaria atende cu un asunto di tal magnitud. E ta bo minister, bou di bo liderazgo y kende mester ehecuta bo vision como lider.”

Netamente e tipo di accion aki y mentalidad aki ta loke tabata e ingredientenan cu a hiba Aruba den e situacion cu e ta, na unda awor Gabinete Wever-Croes a haya pais Aruba cu pa mal maneho financiero  tin un CAft, cu tin un decadencia social y tin problema grandi den loke ta cartera di husticia, por conclui cu sr. Eman tabata carece di liderazgo durante dos periodo di gobernacion.

“Ta yega momento pa sr. Eman tuma pasonan serio pa su mes y termina e tipo di manipulacionnan aki”, Parlamentario Tevreden a bisa den un tono serio. Parlamentario Hendrik Tevreden ta kere cu Aruba aworaki no tin espacio pa politica di dividi y netamente mester di politiconan cu experiencia pa guia esnan hoben den un miho rumbo, pa finalmente henter Aruba por  gosa di esaki.

 

 

- Advertisement -

DUNA COMENTARIO

Please enter your comment!
Please enter your name here