Home Enseñanza Papiamento oficialmente ta bira idioma di instruccion den scol preparatorio

Papiamento oficialmente ta bira idioma di instruccion den scol preparatorio

135
0
SHARE
- Advertisement -

Na aña escolar nobo 2019-2020:

ORANJESTAD (AAN) — Minister di Enseñanza, Ciencia y Desaroyo Sostenible, sr. Rudy Lampe, a participa den e conferencia di prensa di gobierno, Dialuna.

E mandatario a expresa cu for di momento cu el a asumi su cartera, el a cuminza cumpli cu e principionan internacional stipula pa UNESCO.

Un di nan ta e decision di aplica e principio di “Mother tongue base education” cu UNESCO ta recomenda tur pais pa haci y cu Aruba pa hopi tempo a neglisha dicho principio.

Gobierno a bisa cu for di Augustus 2019, Papiamento ta bira e Idioma di instruccion di tur scol preparatorio na Aruba, hunto cu e otro tres idiomanan cu den nos sociedad, ta wordo practica.

Un di e otro principionan di UNESCO pa asina Aruba ta den sintonia cu e comunidad internacional, ta educacion continuo durante henter bo bida. Aworaki ta di suma importancia pa un persona keda educa su mes pasobra nos mundo ta cambiando rapidamente.

Den e tema aki e dignatario a elabora tocante e cursonan cu lo wordo duna na Enseñanza pa Empleo, y cu awor por inscribi via online.

Den otro articulo DIARIO ta referi na e tema aki cu e dignatario a toca ampliamente.

- Advertisement -

DUNA COMENTARIO

Please enter your comment!
Please enter your name here