Home Parlamento Parlamentario Shailiny Tromp ta pidi ayudo pa Stichting Ambiente Feliz

Parlamentario Shailiny Tromp ta pidi ayudo pa Stichting Ambiente Feliz

14
0
SHARE
- Advertisement -

*Dak di e lugar tin un lek serio

ORANJESTAD(AAN): Stichting Ambiente Feliz ta pasando den temponan financiero dificil y pesey durante e conferencia di prensa di tur Dialuna di fraccion di MEP parlamentario Shailiny Tromp-Lee a trece dilanti cu mester bin ayudo y cu esaki por bin na diferente manera.

Un di e problemanan cu Ambiente Feliz tin ta e hecho cu nan dak tin un lek y esaki ta rekeri atencion mas pronto posibel.

Un di e maneranan pa yuda e fundacion segun Tromp ta por ehempel cu Gobierno por evalua pa exonera nan di pago di e asina Erfpachtcanon, mirando cu nan ta un di e fundacionnan social cu ta traha pa esnan mas vulnerable den pueblo.

“Asina nos por yuda nan riba corto plazo pa keda cu mas ‘cash flow’ pa por paga entre otro un cuminda decente pa nos hendenan”.

“Tin otro maneranan tambe, mescos cu ta hasi pa centronan di bario”.

“Por ehempel por bin cu tarifanan social di awa, coriente, SETAR y Serlimar pa e fundacion aki”.

“Asina Gobierno por yuda nan keda cu mas placa pa ehecuta algun di nan proyectonan chikito tambe, banda di cumpli cu nan retonan diario”, segun e parlamentario.

Tromp a trece dilanti tambe cu Ambiente Feliz a ripara cu e sponsornan cu nan ta haya ultimamente a bira menos y den algun caso nan a stop di haya sponsor.

Pesey e parlamentario a hasi un apelacion na mundo di comercio y instancianan, pa nan por yuda e fundacion yuda su clientenan vulnerable.

“Si bo tin bo budget y ta buscando unda pa aloca esaki, Stichting Ambiente Feliz sigur ta uno cu merece di e yudanza pa soluciona e problema aki”, segun e parlamentario.

 

- Advertisement -

DUNA COMENTARIO

Please enter your comment!
Please enter your name here