ORANJESTAD (AAN)- Awe ta cuminza e competencia di Crossfit Eximious Open 2019. Segun Sr. Sofia di Crossfit Exmious 462 nan miembronan ta cla prepara pa e competencia aki cu nan ta organizando pa e di 2 aña.
Aña pasa nan tabata tin 30 participante y e aña aki nan ta conta cu 65 participante. Den e evento aki tur hende por participa caminda bo ta hacie pa competi of hacie por fun y den diferente division.
E Crossfit Eximious Open 2019 ta cuminza awe di 5’or pa 10’or anochi y ta sigui otro siman Diabierna y e siguiente 3 Diadomingonan y ta termina 24 Maart caminda hurado lo saca e ganadornan.
Sr. Sofia a bisa cu e ta invita henter pueblo di Aruba pa bin presencia e evento aki caminda aña pasa e tabata hopi zuiver y e aña aki lo tin mas competencia caminda lo bay tin mas challenging.
El a gradici tur su sponsornan cu a contribui pa haci e evento aki posibel y e mes ta cla pa challenge su mes den e competencia aki.
