Home Politica Partido MEP mustrando cu e caso di Paul Croes no tin di...

Partido MEP mustrando cu e caso di Paul Croes no tin di haber cu corupcion den campaña

254
0
SHARE
- Advertisement -

Pero corupcion den gobernacion di Gabinete Eman

ORANJESTAD (AAN):  Despues cu a wordo conoci cu Hues a haya Paul Croes culpabel y a wordo sentencia na 4 aña di prison, e Ex Prome Minister Mike Eman a anuncia cu en bista di e resultado di e caso IBIS, su partido, AVP lo boga pa un structura nobo di financiamento di campaña politico.

Obvio ta cu Mike Eman ta purba di bagatelisa e seriedad di e sentencia di Hues y ta purba di schuif e fayonan cometi pa su ex minister bou capa di structura di donacion pa campaña politico. Pero esaki ta un otro mentira mas di Mike Eman pa tapa e berguensa di su partido cu e sentencia a ocasiona nan.

E realidad ta cu e ex Minister di AVP, Paul Croes no a wordo sentencia pa nada cu tabata tin di haber cu campaña pero pa iregularidadnan cometi den e temporada cu e tawata minister cu ta hopi despues di e campaña cu Paul Croes a participa na dje. Paul Croes a comete iregularidadnan bou nanishi di Mike Eman y henter su partido durante gobernacion di Eman. Y a wordo sentencia pa esaki y no pa financiamento di campaña. Y hues a prueba esaki tambe pa cua motibo a duna Paul Croes un sentencia di 4 aña di prison.

Partido MEP ta kere firmemente cu e ley di financiamento di campaña di partidonan politico mester bin. Pa 8 aña den ultimo oposicion, MEP a bringa pa ley aki drenta na vigor, pero Fraccion di AVP y henter partido AVP nunca a haci caso di e ley aki pasobra esaki no tabata cumbini nan tampoco mirando e campañanan gigantesco y miyonario cu AVP tabata hibando.

Awo direpente Mike Eman y su partido ta trece mentira un biaha mas pa bruha pueblo insinuando cu caso IBIS tin di haber cu financiamento di campaña politico. Alabes por bisa tambe cu, cu esaki Mike Eman ta admiti tambe cu su partido a cubri su campaña cu financiamento cu lo por compromete nan den gobernacion.

Señor Paul Croes a haya un sentencia di Huez pa iregularidadnan cu el a comete durante su periodo cu e tabata minister di Gabinete Eman. A wordo condena na 4 aña di prison y pa 9 aña e no por postula su mes pa ningun cargo politico.

Esaki sigur ta un capitulo bergonsoso den historia di politiek na Aruba. Pero alabes, esaki ta comproba tambe cu partido AVP ta un partido di corupcion.

- Advertisement -

DUNA COMENTARIO

Please enter your comment!
Please enter your name here