Home Policial Polis a confisca Sportbike cu madruga tabata haci demasiado molester

Polis a confisca Sportbike cu madruga tabata haci demasiado molester

756
0
SHARE
— Brommer confisca na Sabana Basora.
- Advertisement -

ORANJESTAD (AAN): Den fin di siman, autoridad a tene control riba caya.  Esaki riba Diasabra a wordo haci prome, durante, y despues di Caiso & Soca Monarch Festival.

Polis a bisa, cu nan Unidad Motoriza a controla riba camindanan principal pa velocidad halto, tambe a check tur motorcycle sin documento y/of sin rijbewijs, alcohol y luz.

Como 100 auto a wordo controla e biaha aki, y DIARIO a haya sa como 25 a haya multa debi cu tabata core velocidad halto, 3 a haya multa debi cu nan falta luz dilanti.

Un Sportbike cu tabata haci hopi desorden mes, den oranan di trankilidad, esta 4’or di madruga a wordo para.  Esaki a socede den Sabana Basora.  Na final, Polis a confisca e motorcycle aki.  No ta conoci kico ‘fun’ tin pa haci asina hopi desorden, mientras tin centenares di hende y mucha chikito drumi e momento ey.

Pa colmo, ta for  di rotonde Pos Chiquito mes e agentenan por a scucha con e motociclista  tabata molestia full e bario di Pos Chikito y Sabana Basora.

Tabata na un forma tactico, cu e agentenan riba Brommer a bay den e area, y a check e area mey mey di e complex na Sabana Basora Noord.

E agentenan a logra blokea e caminda full pa e no sigui core y asina e logra confisca e motorcycle!  Nan a haci esey, debi cu e no tin documento at all, y e hoben manehador  tampoco tabata tin un rijbewijs valido.  E brommer a wordo hisa den Pickup di Polis y hiba pa Warda.

Cu esaki, e Polisnan a hasta haya un compliment di e bisiñanan cu tabata fada di basta tempo di e situacion aki.  Ta hopi molester tin ultimo temponan aki den barionan despues di mey anochi.  Nan ta sea revv motor duro of slide/drift rond di tur rotonde na Aruba.  Bisiñanan ta spera cu Polis lo sigui confisca mas brommer y auto cu ta comete e fechoria aki.

Bon noticia ta cu Unidad Motorisa lo sigui cu su controlnan durante tur actividad di carnaval  prome durante y despues.

- Advertisement -

DUNA COMENTARIO

Please enter your comment!
Please enter your name here