Home Impuesto Polis lo cuminza parti boet na esnan cu no a paga number...

Polis lo cuminza parti boet na esnan cu no a paga number di auto entrante Diahuebs 28 di Februari

226
0
SHARE
- Advertisement -

Meverly Romano Vocero di DIMP

ORANJESTAD (AAN):  Departamento di Impuesto a haci palabracion cu Alto Comisario Andres Hoo pa loke ta control riba pago di impuesto di vehiculo di motor.

A informe di e ultimo desaroyonan pa loke ta e prolongacion di e fecha pa haci pago pa asina Cuerpo di Polis por tin e cooperacion y cuminza cu e controlnan te dia 28 di Februari.

Cu esaki lo duna espacio na tur esnan cu ainda falta pa paga e impuesto aki y pa nan por cumpli cun’e ainda den e luna di Februari.

Pero despues di Diahuebs 28 di Februari 2019 no tin mas prolongacion y e ora si Cuerpo di Polis lo cuminza reparti boet na esnan cu no a paga, Vocero di DIMP a remarca.

Aworaki, e 39326 cu falta pa wordo paga, desde awe, e doñonan di e vehiculonan tin casi 4 siman pa cumpli cu e impuesto.

 

PAGO

Romano a indica cu aworaki nan tin e caheronan cu ta full-time cu tur pago di tur tipo di impuesto.

Ta pidi e clientenan cu si nan tin otro tipo di impuesto pa paga y cu nan no tin “deadline”    den e dianan aki, pa evalua un rato si echt nan mester di haci e pago mesora mirando cu por tin drukte relaciona cu e pago di number di auto ainda.

 

- Advertisement -

DUNA COMENTARIO

Please enter your comment!
Please enter your name here