Home Parlamento Politico Henk Kamp a wordo nombra contra Constitucion y contra Ley

Politico Henk Kamp a wordo nombra contra Constitucion y contra Ley

151
0
SHARE
- Advertisement -

Endy Croes ta haya cu Mark Rutte mester duna contesta

ORANJESTAD (AAN): Siman ta habri, y Parlamentario Endy Croes no ta contento at all cu e nombramento di e político Henk Kamp den CAft.

Parlamentario Endy Croes tin hopi problema momento cu Hulanda ta papia di Integridad y Good Governance pero nan propio hechonan ta completamente lo contrario.

Según Endy Croes e tin suficiente prueba cu e nombracion di  Henk Kamp den CAft ta uno ilegal y completamente contra Ley di LAFT y pues contra tur moral di nos Pais.

Endy Croes ta bisa si mi acepta esaki anto mihor nos benta nos leinan afor  y por yama Aruba libremente un “Bananen Republiek”. Esaki ta loke Hulanda ta stimula y propaganda cu e nombracion di un político como miembro di CAft.

Pueblo  ta expect sinceridad di nos persona como Parlamentario. Parlamento ta e instancia mas halto aki na Aruba y alaves como representante di pueblo den e stoel como Parlamentario Bo ta forma parti di esnan cuta traha y aproba Lei di Bo Pais, anto lo mínimo Bo mester por duna ehempel y respeta Leinan di Bo País.

Hulanda cu nombramento di Henk Kamp a atrapa na un manera feroz y cruel riba e Lei di LAFT aproba 27 di Augustus 2015. Hustamente e dia aki tabata un  momento cu pueblo a lanta y a manifesta. Nos por corda con te hasta diferente di nos baluartenan y luchadornan pa nos autonomía a cay será den prison pa defende e autonomía y lucha di Betico Croes cual parcialmente a worde entrega na Hulanda riba e dia ey mediante e Lei di LAFT. Awor esey no ta basta? Awor ni e lei aki cual Lei ta Hulanda mes a traha y pushe den stoma di Parlamentarionan débil di AVP kendenan a aproba esaki, awe Hulanda mes ta trapa riba dije na un manera criminal cu e nombramento di  Henk Kamp como un miembro den CAft.

Mester recorda Pueblo cu Leynan di Bo país ta algo cu Huesnan ta respeta. Si Bo actúa contra Lei sigur Bo lo worde castiga. Artikel 4 Lid d di e Ley di LAFT ta papia kla ki ora Bo no por worde nombra como miembro di CAft.

Textualmente mi ta cita esaki, “Een Lid van het College kan niet tevens zijn, “een lid van de Staten of van een daarmee vergelijkbaar orgaan van Nederland, of op de lijst staan of hebben gestaan van enige politieke partij binen het Koninkrijk der Nederlanden”.

Parlamentario Endy Croes su punto ta lo siguiente. E Lei ta stipula hopi kla cu un miembro di CAft no por ta entre otro un político of  un persona kende a aperese of a yega di aparese riba un lista politico. Henricus Gregoruis Joseph Henk Kamp ta un político pa mas di 25 aña y a aparese na varios ocasión riba lista di VVD hustamente lista di e partido di Promer Minister di Hulanda Mark Rutte.

E Politico Henk Kamp a ocupa diferente funcionnan como minister desde 2002 te 2017. Artikel 3 di Ley di LAFT tambe ta regula e sistema di nombracion pa cu CAft. Esta regering van het Koninkrijk ta nombra e Voorzitter, Aruba ta nombra un y Nederland ta nombra e di tres. Esaki ta bira e constelación di CAft.

Pues Nederland mes a nombra Henk Kamp contra tur Lei. Raymond Knops no bin jora awe cu e tabata den Rijksministerraad y sa Kico a pasa. Bo tey pa para pa Lei y no para riba lei. Bo mester a para e cos aki pero Knops tambe a aproba esaki. Ora Bo papia cu Hulanda di zachte lening nan cabeynan ta para y nan carácter ta cambia mientras ta bou supervisión di CAft y Hulanda Aruba su debe nacional a deteriora.

Wel mescos ta conta pa Croes como parlamentario ora Hulanda atrapa Lei na e forma cruel aki Endy Croes lo sa di para pa Integridad y ta haci un apelación na Hulanda pa corigi y trek recht lokual nan a haci krom.  Parlamentario Endy Croes ta termina bisando cu e no ta acepta esaki y kiersa e opinión di Mark Rutte alrespecto e nombracion di Henk Kamp contra nos leinan.

Si Henk Kamp ta respeta Lei, si Henk Kamp ta intergo, si Henk Kamp tin sentido común, Si Henk Kamp kier duna ehempel anto e mes mester saca su conclusión cu e no por ta sinta eynan mas.

 

- Advertisement -

DUNA COMENTARIO

Please enter your comment!
Please enter your name here