Home Carnaval POPO 28 februari 2019

POPO 28 februari 2019

209
0
SHARE
- Advertisement -

Awe nochi ta ken por na San Nicolas ? E siguiente actividad ta diahuebs cu lo ta e Parada di Luz na San Nicolas pa 8’or di anochi parada ta sali.  Segun POPO tin entendi, e “amor” pa gruponan di carnaval no ta grandi na San Nicolas, mirando cu nan ta pasa keto bay riba cabez di e organizadornan, sin cu e asina yama fundacionnan y otro gruponan ta Sali na nan defensa. POPO ta sinti esaki den sentido di politca na Aruba caminda cu continuamente ta tende cu “nada ta wordo haci pa San Nicolas”.

POPO ta bisa cu POPO a nota e tendencia ey varios aña caba y cu ta e mentalidad di “nos tin placa” nos tin grupo grandi”, “nos tin banda grandi popular” ta manda y ningun hende tin nada di bisa nos. Ta asina cosnan ta daña y caba riba e isla aki. Pesey ta bolbe mira e mes paña di diasabra ultimo den caya, kizas cu un cambio chikito pa bisa “cu no ta asina” pero si a bisa: “diasabra y diadomingo awor nos ta completo.”

Tanto diasabra como diadomingo awor e parada ta sali 10’or di mainta. Diadomingo 8’or di anochi, despues di parada, ta kima Momo na Carnival Harbour Arena. Despues tur dirigente di carnaval por core bay prepara maletin of rugzak pa dialuna biaha pa Corsou riba custia di ………. pa goza diamars di “Marcha di despedida” di Corsou, cu of sin invitacion.

POPO tin cu bisa cu ayera mainta y durante dia POPO a haya hopi yamada di esnan cu no ta contento cu direccion di carnaval. Hopi ta bisa di no a sinti nada di un celebracion di lustro den carnaval di e aña aki, y hopi a laga sa ademas cu nos carnaval ta bayendo atras. Ora POPO bisa nan pakico nan no ta expresa esey den medionan of na emisoranan, bo ta tende: “Mi no kier hayami den e bada bada nan ey!”.  “Mi no tin organizacion elite mi tras , ni figuranan cu forza politico, ni placa.” Tambe ta tende: “habri boca pakico?” Si bo no ta cu nan, bo no ta conta. Si bo ta conta, bo tin cu tene boca cera pa nan no sacabo na manera fini”.

Hopi hende cu no tin e conexionnan aki no ta lesa di esakinan no ta scucha di esaki na radio y no ta mira e hendenan aki den entrevista na television. Esaki ta pone POPO pensa riba e expresion di algun aña pasa di por ehemplo: “cual di e IEMAND nan bo ta. Zo maar Iemand of zomaar NIEMAND”.

Ate…ata otro a drenta:  Ta nos carnavalistanan mes kier pa nos carnaval bay atras. Nan ta prefera di gasta centenares den gruponan grandi, mientras nan por goza mescos cu gruponan mas chikito y bandanan chikito…. Nos kier “pléé” grandi di mas hincando nos mes den debe pa paga bek henter aña!” Esey a caba di drenta y tin hopi mas, pero POPO ta corta awe debi na otro compromisonan di dia.

- Advertisement -

DUNA COMENTARIO

Please enter your comment!
Please enter your name here