Home Economia Prijs di carni a subi cu 20% y mayoristanan keto riba prijs...

Prijs di carni a subi cu 20% y mayoristanan keto riba prijs di importacion

125
0
SHARE
- Advertisement -

Consumidornan indigna:

ORANJESTAD (AAN) – Prijs di carni a bolbe subi Diahuebs siman pasa cu 20%, y e consumidornan ta simplemente pensando den baha man pa cumpra carne completamente.

Despues di a haya informacion di varios consumidor den e transcurso di Diabierna, Diasabra un persona di nos redaccion a bay wak den un par di supermercado con e prijs di carni a cambia den un par di siman, y a constata cu ta berdad, cu di caro a pasa pa carisimo!

E ora ey a bay puntra como cliente na e personanan cu ta traha cu e parti di carniceria, ta di con e prijs a subi asina drastico y nan a confirma “Diahuebs e prijs di carni a subi cu 20%” incluso a duna comentario cu nan ta compronde pa e cliente, incluyendo turista, cu ta mustra disgusta y cumpra menos of no ta cumpra at all. Varios consumidor ta sumamente indigna mirando con halto e costo di bida a bira e ultimo simannan, mientras cu nan no ta mira un alivio berdadero pa nan cartera, door di e cambio di impuesto. 

Mayoristanan keto:

Matutino DIARIO tin mas cu un luna puntrando dos compania mayorista cu, segun indicacion cu nos tin, ta esnan cu mas carni fresco ta importa. Un di nan su gerente, definitivamente a laga sa cu e secretaria cu e no tin tempo, y den e otro compania a contesta cu nan mester papia cu mas hende incluyendo nan cumpradornan, prome cu nan duna un entrevista. Lo tin algo di sconde?

Departamento Economico:

Yama puntra na Departamento di Economia por ta un opcion, pero ora nan bin den conferencia di prensa, e informacion cu nan tin y cu nan ta contesta riba preguntanan no ta cuadra at all cu locual e consumidornan ta vocifera na stem basta halto caba. Pues, no ta parce ta bal la pena.

OPCION COLOMBIA?

Ultimo biaha cu e minister cu tin e cartera di sector primario a bin conferencia di prensa, el a wordo puntra tocante su proyecto pa trece carni for di Colombia. Aki su contesta ta e mesun di aña pasa prome cu e Mision Comercial a tuma lugar. E problema di carni contamina debi na exportacion di baca cu malesa di Venezuela pa Colombia, y cu ta parce no a wordo resolvi ainda.

E dignatario ta wardando pa Merca y Europa cuminza importa carni for di Colombia pa Aruba tambe por hay ok pa hacie!

E pregunta ta: “Con e pueblo di Colombia mes ta haci pa come carni? Nan ta conoci como un pueblo cu ta gusta carni y cu esaki ta basico den nan alimentacion. Ta carni contamina tur hende aya ta come?” Di con na Corsow si nan ta importando carni for di Colombia, segun DIARIO tin entendi? Ki hubo di otro alternativanan manera trece carni di Brasil, cu ta parce ta resulta na bon prijs y bon calidad?

CARNI MULA RIBA MESA:

Finalmente, nos a scucha den un di e supermercadonan cu hopi consumidor ta pidiendo mas carni mula parti den sakitonan di mei liber, pa nan bruhe cu berdura, ademas di cumpra mas hala di galiña y spareribs!

- Advertisement -

DUNA COMENTARIO

Please enter your comment!
Please enter your name here