Home General Prome Fase di Campaña Crisis Plan Social ta pa crea conscientisacion contra...

Prome Fase di Campaña Crisis Plan Social ta pa crea conscientisacion contra abuso y negligencia

84
0
SHARE
- Advertisement -

Sharissa Tromp, Project Assistent di Sociaal Crisis Plan”

ORANJESTAD (AAN):  For di aña pasa caba a delinea un strategia a base di informacionnan ricibi, cu tin na Departamento di Asuntonan Social pa loke ta abuso y negligencia di mucha.

A base di esey, e strategia a wordo delinea. Esaki a wordo treci dilanti den e stuurgroep di Crisis Plan Social y a wordo manda na e diferente agencianan di publicidad. Sra. Sharissa Tromp, Project Assistent di Sociaal Crisis Plan.

E campaña aki ta forma parti di e plan di crisis social y e ta wordo ehecuta den cooperacion y apoyo tecnico di UNICEF Hulanda. A parti e strategia den dos fase. Den e prome fase kier crea conscientisacion di e seriedad di e problematica social aki na Aruba.

E temanan abuso y negligencia, ta temanan hopi sensitivo. Treciendo datonan real di kico ta pasando aki na nos pais, kier crea e oportunidad pa comunidad papia over di esaki. Papia over di e tema di abuso, di negligencia.

T’asina cu treciendo e conscientisacion, lo kier tambe stimula cada persona pa nan pensa y nan reflexiona ariba e seriedad di e crisis y con nan lo por yuda na trece solucionnan pa e problematica. Famianan cu por ta pasando aden, coleganan cu por ta pasando den situacionnan asina.

CONSCIENTISACION

Pa aña 1800 hende muhe ta wordo maltrata na Aruba y 150 hende muhe pa luna. Y den e Crisis Plan Social kier trece e conscientisacion pa victimanan di abuso. Nan ta bin cu e campaña di conscientisacion, con pa e yuda su mes of un persona cu ta pasando den caso asina.

Segun datonan adiccion na alcohol y droga hopi biaha ta e comienso di e problematica mes, di e maltrato. Y mirando e temporada cu nan ta den awo di carnaval, nan kier trece e conscientisacion ariba esey. E (mal) uzo di alcohol. Sociaal Crisis Plan ta un plan hopi amplio y banda di abuso di mucha, nan ta trahando tambe ariba abuso domestico.

CAMPANA

E campaña di Sociaal Crisis Plan a cuminsa caba, den corant, riba rednan social. Departamento di Asuntonan Social tin varios plan cu nan ta papiando di dje, pero esaki mester mira hunto cu nan partnernan cu ta den e area social.

E parti cu nan kier enfoca ariba cu nan mester proteha e muchanan. Como adulto, mester tuma e decisionnan corecto na bienestar di e muchanan. Si por haci esey, ya nan ta un stap basta dilanti caba y cu por yuda guia e muchanan den un bon caminda, pa bira un ciudadano responsabel.

- Advertisement -

DUNA COMENTARIO

Please enter your comment!
Please enter your name here