Home Parlamento Prome Minister ta bisa cu e no conoce e persona cu a...

Prome Minister ta bisa cu e no conoce e persona cu a transporta e baranan di oro

570
0
SHARE
- Advertisement -

Arthur Dowers:  “pero e persona ta su coordinador y un cliente”

ORANJESTAD (AAN): Den e dianan aki a papia bastante riba e baranan di oro di Venezuela, cu tabata pasa via Aruba.

Durante e conferencia di prensa di partido AVP di Diamars, parlamentario Arthur Dowers a toca e tema aki.

“Ta sumamente straño, cu na momento cu un cantidad di bara di oro a wordo confisca algun tempo atras, Prome Minister di Aruba a bay para na banda di Venezuela, culpando Aruba, pasobra ta Aruba lo ta laga e oro aki pasa”.

“Mi a splica na varios occasion na Prome Minister Wever Croes, anto e sa masha bon, cu Aruba na ningun momento a coopera cu algo ilicito y cu ami a considere como un traicion di bo pais, na momento cu bo a bay para banda di Venezuela”.

Esaki segun Dowers, kende a indica cu locual e sa sigur ta cu Evelyn Wever Croes ta amigo di e persona cu a transporta e oro.

“Nos a mira entre otro con e persona aki tabata para banda di nos Prome Minister den un jeep, pasobra e ta su coordinador”.

“Nos por mira tambe cu e compania cu ta transporta oro, ta estableci hustamente na e oficina di Wever Croes”.

“No solamente e persona aki su compania ta estableci eynan, sino bo ta mira cu e persona aki tabata cliente di e oficina di abogado Wever, Croes & Ruiz”.

Esaki segun Dowers, kende a mustra documentonan pa comproba esaki.

“No bisami cu bo no conoce y cu bo no sa ta ken e ta, pasobra e persona aki tabata bon amigo di bosonan”.

“Nos no ta culpa e persona aki di nada, sino nos ta culpa Prome Minister di e hecho cu el a hasi como si fuera e no sa di e negoshi aki, siendo cu e mes tabata ricibi placa di e compania, door cu su oficina di abogado ta abogado di e persona aki”.

Esaki segun e parlamentario di AVP.

- Advertisement -

DUNA COMENTARIO

Please enter your comment!
Please enter your name here