Home Salud Re-aplicacion di e “sunblock” ta hopi importante pa evita cancer di cuero

Re-aplicacion di e “sunblock” ta hopi importante pa evita cancer di cuero

55
0
SHARE
- Advertisement -

Dr. Nuris Lampe

ORANJESTAD (AAN): Dermatologo Dr. Nuris Lampe hunto cu Departamento di Salud un biaha mas ta purbando di concientiza comunidad riba e problematica di cancer di cuero.

E casonan di cancer di cuero no ta bahando. Contrariamente nan ta subiendo.

Temporada di Carnaval y Semana Santa ta uno cu e hendenan ta expone mas hopi na solo. Pesey Dr. Lampe a duna di conoce cu tin hopi producto pa proteha di solo.

Gobierno tambe a tuma algun medida pa evita e uso di Oxybenzone, pero esey ta mas tanto pa e personanan cu ta drenta den lama cu e producto, esta e “sunblock”.

Dr. Lampe ta conseha cu si bo ta bay uza un “sunblock” pa esaki ta mas natural posible. Awendia tin hopi cu tin zink, titanium cu ta natural y cu ta duna e proteccion cu tin mester.

Otro aspecto, ta con pa uz’e. E re-aplicacion di e “sunblock” ta hopi importante. Tin producto cu riba nan label ta bisa cu e producto ta efectivo solamente dos ora of pa un tempo determina y pesey mester aplica di nobo.

E mamanan tin un trabao grandi pa loke ta e trabao di re-aplicacion di e “sunblock” den e muchanan. Esaki ta bay no solamente pa esnan cu ta bay carnaval sino pa esnan cu ta cant’i caminda, a bisa.

El a agrega cu e number cu tin ariba e “sunblock” no ta un porcentahe y ta solamente un number di saturacion. Esey ta e tempo cu e ta efectivo. Mientras mas abao e number ta menos tempo e ta dura su efectividad. Esey ta importante pa e hendenan sa, Dr. Lampe a indica.

No tin un porcentahe. Si tin 100 para riba e boter, esey kiermen cu e tin mas duracion ariba e cuero. Pero no cu e ta proteha 100%. Pesey mester re-aplica e “sunblock”, el a remarca.

- Advertisement -

DUNA COMENTARIO

Please enter your comment!
Please enter your name here