Home General Riba peticion di Asociacion di Fisioterapista mes a  AZV a bin cu...

Riba peticion di Asociacion di Fisioterapista mes a  AZV a bin cu moratorium

121
0
SHARE
- Advertisement -

ORANJESTAD (AAN) – Matutino DIARIO a ricibi e siguiente contesta di AZV, relaciona cu e preocupacion cu ta existi bao cierto pacientnan, cu mester di servicio di fisioterapia, pero cu no por a haya lugar, pa motibo cu e consultanan ta hopi yen, te cu lista di spera cerca practicamente tur di nan.

AZV: “Na Aruba tin un moratorium pa fisioterapia. Esey kiermen cu no por bin fisioterapista extra. E moratorium a wordo palabra cu AZV riba peticion di e Asociacion di Fisioterapista.

“Ta asina cu si un fisioterapista ta bay for di Aruba of ta bay cu pension un fisioterapista por cuminsa cu su praktijk. Tin un lista di fisioterapista cu kier traha na Aruba. E lista ta cronologico, dus esun cu a pone su nomber prome ta mas halto riba e lista.

E fisioterapistanan ta haya un budget pa aña. Mayoria di e fisioterapistanan no ta yega na e maximum di e budget”.

Adicionalmente, nos a wordo informa pa un funcionario di e Institucion, cu 30% so di e profesionalnan aki ta yena nan budget maximo, y 70% no, y tanto AZV como e Asociacion di Fisioterapista no ta haya necesario pa bin cu profesionalnan extra den e ramo aki.

Ta incomprendible anto di con tanto hende ta buscando cita pa un consulta cu fisioterapista, y ta asina dificil pa haya un lugar pa nan, y 25 pacient di un cu a baha cu pension ta pasando trabao tambe pa haya uno cu no tin un lista di spera largo.

 

 

- Advertisement -

DUNA COMENTARIO

Please enter your comment!
Please enter your name here