Home General San Nicolas Business Association a reuni cu Minister encarga cu Infrastructura tocante...

San Nicolas Business Association a reuni cu Minister encarga cu Infrastructura tocante plannan pa San Nicolas

69
0
SHARE
- Advertisement -

ORANJESTAD (AAN):  Minister di Desaroyo Teritorial, Infrastructura y Medio Ambiente sr. Otmar Oduber a reuni cu San Nicolas Business Association (SNBA). Den e reunion aki a trata e desaroyo di San Nicolas y plannan cu tin pa e area manera e desaroyo hotelero.

Presidente di e organisacion sr. Andres Hernandez a indica cu e tabata un reunion unda cu mayoria di e board di SNBA tabata presente y e reunion tabata uno sumamente interesante.

Sr. Hernandez: ‘Minister Oduber a presenta un bista riba desaroyo di San Nicolas cu no ta solamente e parti di hotel, pero tambe con lo atende cu diferente aspecto den e area e retonan cu esaki lo por trece cu desaroyo di e area.’

Siguientemente lo trece tur e informacion ricibi di e reunion aki den seno di SNBA, pone esakinan hunto pa por tuma un mihor decision di posicion di SNBA, pero den principio e proyecto ta mustra di lo ta algo positivo pa Aruba y sumamente positivo pa San Nicolas.

Finalisando sr. Hernandez a bisa: Importante pa corda ta cu San Nicolas ta den un situacion unda cu mester di un ‘jabi maestro’ y esaki ta mustra cu e por ta esey!

 

- Advertisement -

DUNA COMENTARIO

Please enter your comment!
Please enter your name here