Home Turismo “Savaneta” ta den Top 20 di pueblo mas encantador den Caribe

“Savaneta” ta den Top 20 di pueblo mas encantador den Caribe

2590
0
SHARE
— Aruba Ocean Villas na Savaneta tin turistanan encanta.
- Advertisement -

ORANJESTAD (AAN): Recientemente TravelMag.com a tene un encuesta entre 300 periodista specialista di viahe, personanan influyente di social media, y profesionalnan den viahe cu experiencia, riba nan destinonan di beach mas favorito den Caribe.

Nan a pidi esnan cu a contesta e preguntanan, pa nan divulga entre 3 pa 10 pueblo of bario cu nan ta encanta den region Caribense.

Asina a logra saca 20 pueblo cu tin banda di beach, cu a haya mas hopi voto, y TravelMag a logra di compila un lista.  E pueblonan mester tin menos di 100.000 habitante.  Nan a exclui destinacionnan na Mexico, Centro America, y Sur America cu tin costa pa Lama Caribe.

Entre e destinacionnan cu mas voto, ta inclui Governor’s Harbour (Bahamas), St George’s (Grenada), Negril (Jamaica), y Cockburn Town (Turks & Caicos).

Varios isla insular den Caribe tabatin e suerte di haya mas di un pueblo riba e lista di 20 principal pueblonan.  Esaki ta inclui Trinidad & Tobago, St. Kitts & Nevis, Barbados, y Guadeloupe.

Pa cortesia di TravelMag, aki DIARIO ta reproduci e tabla di e 20 pueblonan costero mas encantador den Caribe.  E destinonan ta presenta alfabeticamente pa isla, y no pa e cantidad di voto ricibi.

  1. West End Village, Anguilla
  2. Savaneta, Aruba
  3. Governor’s Harbour, Bahamas
  4. Oistins, Barbados
  5. Speighstown, Barbados
  6. Trinidad, Cuba
  7. St. George’s, Grenada
  8. Deshaies, Guadeloupe
  9. Saint Anne, Guadeloupe
  10. Negril, Jamaica
  11. Le Carbet, Martinique
  12. Rincón, Puerto Rico
  13. Gustavia, Saint Barths
  14. Basseterre, Saint Kitts & Nevis
  15. Charlestown, Saint Kitts & Nevis
  16. Port Elizabeth, Saint Vincent & the Grenadines
  17. Castara, Trinidad & Tobago
  18. Maracas, Trinidad & Tobago
  19. Cockburn Town, Turks & Caicos
  20. Cruz Bay, U.S. Virgin Islands.
- Advertisement -

DUNA COMENTARIO

Please enter your comment!
Please enter your name here