Home Social Sportsz 4 U y Fundacion Hende Muher den Dificultad ta cla cu...

Sportsz 4 U y Fundacion Hende Muher den Dificultad ta cla cu nan prome “Run Diva”

53
0
SHARE
- Advertisement -

ORANJESTAD (AAN):  Fundacion Hende Muher den Dificultad (FHMD) conhuntamente cu Stichting Sportsz 4 U a organiza nan prome evento cu yama “Run Diva”.

Durante un conferencia di prensa, Glennon Eights, presidente di e Stichting Sportsz 4 U a duna un update riba e evento ” 5 K Run Diva”, cu ta pa recauda fondonan pa Fundacion Hende Muher den Dificultad y tambe trece mas concientizacion den comunidad.

E carera aki lo tuma lugar dia 8 di Maart cu ta Dia Internacional di Hende Muher, pa 5:30 pm na Linear Park. E ta un carera di 5 kilometer y participantenan por cana of core y e ta urgi hende hombernan pa participa, pa mustra nan apoyo na e hende muhernan.

E categorianan ta lo siguiente: Categoria U15, 16 – 20, 21 pa 20 aña, 30 pa 39 aña, 40 pa 49, 50 pa 59 aña y 60 plus. Y tambe categoria di hende homber, cual ta bay ta categoria open.

E ruta lo ta saliendo dilanti di Talk of the Town drenta Vondellaan. Na e rotonde Banco di Caribe bay direccion PriceSmart riba Avenida Milio Croes y eynan bay over, cruza na Linear Park bin abao y caba patras di Sandra’s Garden. Na final lo tin tentnan cu productonan pa hende muher.

Esnan cu kier join e causa y e evento aki por tuma contacto cu Fundacion Hende Muher den Dificultad of cu Fundacion Sportsz 4 U. Lo tin un suma pa inscripcion cu ta inclui e “bib number” pa e timing system y un t-shirt, como tambe un ‘goodie bag’, danki na donacionnan di nan sponsornan, Compra N.V, Oduber Agencies, Digicel y The Athlete’s Foot.

E ta urgi tur hende pa bin inscribi y participa y asina yuda un tremendo causa. E packet pickup lo tuma lugar dialuna 4 di Maart di 10:00 am te cu 6:00 pm y diaranzon 6 di Maart di 4:00 pm te cu 8:00 pm na Sandra’s Garden, situa na Linear park.

- Advertisement -

DUNA COMENTARIO

Please enter your comment!
Please enter your name here