Home General Start up e refineria y rehabilit’e como un upgrader tabata atractivo pa...

Start up e refineria y rehabilit’e como un upgrader tabata atractivo pa CITGO

170
0
SHARE
- Advertisement -

Alvin Koolman den conferencia di prensa:

ORANJESTAD (AAN) —  Alvin Koolman, director di Refineria di Aruba (RdA) a bin dilanti den un conferencia di prensa, Diabierna, pa trece informacion actualiza tocante e situacion di e proyecto CITGO Aruba.

Prome cu esaki, sr. Koolman a haci un sinopsis tocante e desaroyonan cu a tuma lugar prome cu CITGO a bin na remarca te cu a firma un convenio, pasobra e ta haya cu e informacion cu ta wordo divulga, no ta saliendo corectamente, y esaki ta haci cu e proyecto mes no ta wordo compronde totalmente. 

PAKICO VALERO A CERA:

Sr. Koolman a referi na tempo cu Valero a cera, esta na aña 2012. Valero a cera pasobra e facilidadnan di Aruba, como refineria, no tabata rendable. E no tabata produci gasoline ni diesel, y otro productonan cu cualkier refineria pa por traha financieramente responsable pa mantene den operacion tin profile pa e shareholders. Koolman a reitera cu esaki ta e motibo pa cual Valero a cera, y bay wak ken por a inverti na Aruba ta dificil, pasobra pa e refineria, ta hopi inversion Aruba mester, pasobra e no por produci e productonan principal cu ta gasoline y diesel.

KICO A PASA DESPUES?

“Nos cu ta den e mundo di refinacion y produccion di crudo, sa cu un moda cu Aruba por sobrebibi, ta si uza e mesun facilidadnan cu Valero a laga atras, start’e up, rehabilit’e y bira un mehorador di crudo, y un di e crudonan mas pisa cu tin ta esun di e faha di Orinoco di Venezuela, cu tin un reserva di alrededor di 300 mil miyon bari, y apenas nan ta produci 1.2 miyon bari, y e economia di Venezuela ta depende 95% di produccion di crudo y esey ta haci cu un proyecto asina, unda no ta inverti den procesonan nobo pero gewoon rehabilita e refineria ta hacie un proyecto masha atractivo ”, sr. Alvin Koolman a señala.

Koolman a sigui bisa cu esaki por wordo haci den un periodo di 16 pa 18 luna, y produci crudonan adicional pa Venezuela.

El a agrega cu si Aruba ta hacie mescos cu un refineria, pa habri Aruba como tal, actualmente, mester di un inversion di 700 pa un miyon dollar. Start up riba page manera antes, no ta factible pasobra ta bay perde mas ainda y mester di un linea di gas. “Si nos ta papiando di start up e refineria e ta costa 1.2 mil miyon dollar, y si hacie como un refineria mester di 2 pa 2.5 mil miyon dollar mas. Y esey ta haci Aruba atractivo”, director di RDA a señala.

Sr. Koolman a indica cu pesey CITGO a bin na remarca y nan a bin evalue y a firma pa opera y rehabilita e refineria como un upgrader y start’e up como tal pa un periodo di cuater aña.

 

 

 

 

 

- Advertisement -

DUNA COMENTARIO

Please enter your comment!
Please enter your name here