- Advertisement -
ORANJESTAD (AAN): E dianan venidero por mira e atmosfera basta nubla riba Aruba. Pa e proximo dianan, un condicion atmosferico relativamente stabil lo keda limita desaroyo di awacero den region.
Pa e motibo aki, tempo seco lo sigui prevalece. Mas leu, debi na un area di presion halto riba Oceano Atlantico, e fluho di biento lo keda modera te bastante fuerte.
Imagen di Satelite ta mustra cu stof procedente di Desierto di Sahara lo limita visibilidad e proximo dianan na Aruba. Hopi biaha pueblo ta ripara esaki ora cu bo ta mira con seronan rond di e isla aki ta un tiki opaque.
Biento mes lo ta for di direccion pariba, modera te basta fuerte entre 20 y 39 km/h. Lo tin rafaga tin biaha fuerte te duro entre 40 y 61 km/h.
- Advertisement -
