Home General Tereno destina pa vivienda awor ta bay bira condominium

Tereno destina pa vivienda awor ta bay bira condominium

172
0
SHARE
- Advertisement -

Caso a bay te hasta corte y ainda ni un contesta!

ORANJESTAD (AAN):  Algun siman pasa Juan Carlos Croes a trece dilanti situacion den cual e cu su famia ta pasando. Banda di su cas a bin traha ariba un tereno destina pa vivienda y ta traha na menos di 3 meter leu for di e cas di Sr. Croes.

Famia Croes ta bibando un momento hopi malo, hopi fastioso. Nan tin dianan cu nan no ta drumi, te cu nan mester resorta na pildo. Con por ta posibel cu machine grandi por pasa over di nan cas. Tin biaha nan ta pasa carga over di su cas, sin cu nan tin esaki wanta cu algun cabuya.

Na varios ocasion Sr. Croes a cana rond puntrando e habitantenan di Monserrat y Palm Beach, unda cu a puntra e habitantenan si nan a bay di e acuerdo cu e construccion di hotel/condominio?

Riba esaki nan a contesta cu nunca niun gobierno no a yega cerca nan pa informa nan di e construccion aki.

Palm Beach ta un area unda cu ta vivienda mester bin. Sr. Croes a colecta mas di 500 firma di protesta. A cera nan entrada y e doñonan di e tereno a roza un tereno pa asina habri otro entrada. Esaki ta un pica, pa famia di Sr. Croes, un total di 4 famia.

Pregunta ta keda: ken por biba cu un mashin asina grandi riba nan dak. Ta trata di apartment cu ta bin cu pool, cu bar, cu tur cos. Sr. Croes ta haci apelacion ariba gobierno pa nan pone un stop na esaki.

Despues cu e noticia a bin den prensa, Sr. Croes a bisa cu te ainda nan no a haya niun bishita di niun instancia. Niun hende no ta puntra con nan ta sinti, con nan por biba cu e machine grandi ariba nan dak, cu un ora pa otro e machine grandi por bin abao, treciendo desgracia ariba e famia aki.

Croes a bay Corte, y despues di e fecha di tratamento, minister tin 6 siman pa bin cu un contesta. Pero a pasa casi 8 siman y ainda nan no a tende nada di e minister ainda.

Palm Beach ta un area pa residencia y no pa traha hotel. Tur hende tin opinion, pero ta gobierno so por dicidi.

Hasta parlamentario di POR a bin dilanti bisa cu en berdad cu mester pone un stop na construccionnan pa loco di condominium. Pero asina mes, ainda Sr. Croes ta wardando ariba e instancianan concerni pa haci algo.

 

- Advertisement -

DUNA COMENTARIO

Please enter your comment!
Please enter your name here