ORANJESTAD (AAN) – Aruba Chess Federation hunto cu Caquetio Chess Club a organisa riba diadomingo dia 24 di Februari e promer edición di un torneo di ahedres Independencia Rep. Dom. estilo Blitz.
E torneo aki ta wordo patrocina door di Consulado di Republica Dominicana.
Formato di e torneo ta cu e ta wordo hunga riba un dia. Cada hungador ta haya 5 minuut + un incremento di 5 seconde después di cada zet pa termina nan partido. Un total di 9 rond ta wordo hunga den categoría U-18 y 11 rond den categoría U-12 y Open.
Un total di 40 hungador a participa na e torneo aki. 11 den categoría U-12, 17 den categoría U-18 y 12 den categoría Open.
Tur e weganan a wordo hunga den sala Unoca di Cas di Cultura.
Den U-12 Girls a termina na promer lugar Mary Jane Bueno, segundo lugar Mia Mc Collum y tercer lugar Angelina Arens.
Den U-12 Boy a termina na promer lugar Patrick de Roo, segundo lugar Santiago Rodriguez y tercer lugar Kian Ng.
Best U-10 a keda pa Jeayonsley v/d Linde y bet U-18 a bay pa Lui Montoya.
Den U-18, a termina na promer lugar Tristan Cousineau. Tristan a score 7 punto for di 9 rond. Segundo lugar a bay pa Kellen van Deutekom y tercer lugar pa Thamara Sagastegui.
Best U-16 a bay pa Jean Pierre Acevedo y Best U-14 a bay pa Lesley Cielo.
Best performance, e hungador cu a progresa mas compara cu su startrating a bay pa Samantha Aponte.
Den categoría Open, e promer lugar a bay pa Peter v/d Brink. Peter a score 10 ½ punto for di 11 wega. Segundo lugar a bay pa Eldrick Donata. Eldrick a score 9 punto. Tercer lugar a bay pa Wilson Borbon cu 8 punto y di cuatro lugar pa Octavio Croes cu 7 punto.
