Home Hudicial Tramitadornan di Bashaca tabata un organizacion criminal caminda ex minister Paul Croes...

Tramitadornan di Bashaca tabata un organizacion criminal caminda ex minister Paul Croes a haya hopi placa

534
0
SHARE
- Advertisement -

ORANJESTAD (AAN): Hues a condena seriamente e forma con Filiciana y Schwengle hunto cu Aleida Vasquez tabata hiba e compania Bashaca. En especial e tramitadornan Filiciana y Schwengle, kendenan na opinion di Hues hunto cu Paul Croes tabatin un organizacion criminal caminda Paul Croes tabata haya masha hopi placa.

   CASTIGO COMBINA PA CHINES:

Hues a mustra cu e Chines Siem Mong tambe ta culpable di a cumpra ex minister Paul Croes. E tabata diferente cu e otro Chinesnan.

Na opinion di Hues, Siem Mong tabata haci regalonan y tambe a haci pagonan pa haya dispensacion di permiso. Tambe e tabata haci esaki pa drecha e relacion cu Paul Croes. Hues a mustra cu e ta bay di acuerdo cu Fiscal a exigi mas castigo compara cu otronan. Hues ta haya cu Siem Mong tabata hopi activo y tabata manera un intermediador pa otro Chinesnan.

Hues a condena Siem Mong na 160 ora di trabao pa comunidad y si e no haci esaki, e lo mester bay 80 dia sera. Tambe Hues a conden’e na 4 luna di prison condicional cu un tempo di prueba di 3 aña.

    “BASHACA”, UN ORGANIZACION CRIMINAL:

Hues a mustra cu Juan Filiciana, Aleida Vasquez y Felipe Schwengle tabatin un compania “Bashaca” cu cual tabata regla permisonan. Filiciana y Schwengle a admiti di a cumpra Paul Croes y a falsifica documentonan. Nan tabata opera un fabrica di dispensacion di permiso cu e compania Bashaca.

Tur e dispensacion di permiso minister Paul Croes tabata firma. Filiciana y Schwengle tabata haya un suma como tramitador mientras cu Paul Croes tabata haya miles di florin cada biaha. Na opinion di Hues, esaki tabata e forma mas serio di cumpramento y corupcion. Esaki tabata un empresa criminal. Haya cu e trio tabata forma parti di un organizacion criminal. Hues a mustra cu Filiciana tabata acerca otronan tambe pa e regla nan permiso.

Hues a bisa cu Vasquez a desmenti cu e tabata sa kico tabata pasa. E tabata kere cu e personanan lo a traha cu su compania. Hues no ta kere esaki. El a mustra cu Filiciana a mustra cu Vasquez tabata sa tur cos y tin un testigo cu a bisa cu Vasquez tabata regla permisonan pa hendenan cu no ta traha cu su compania. Contrario na exigencia di Fiscal, Hues ta haya cu Filiciana y Schwengle mester haya igual castigo. Hues a condena Filiciana y Schwengle na 16 luna di prison di cual 4 luna ta condicional cu un tempo di prueba di 3 aña. E placanan confisca lo mester debolbe.

Vasquez a wordo condena mas halto cu exigencia di Fiscal esta 240 ora di trabou of 120 dia sera. Tambe 4 luna di prison condicional cu un tempo di prueba di 3 aña.

- Advertisement -

DUNA COMENTARIO

Please enter your comment!
Please enter your name here